Mataio 8:10 - Tokelauan New Testament

¹⁰ I te lagona atuga e Iehu o nā kupu iēnei a te takitakikau, oi na ofo lele ai; oi vāgana atu ai ki nā tino e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!

Mataio 8:10 ပူးပေါင်းရင်းမြစ်များ

Mataio 15:28

Oi tali mai ai ia Iehu, “Te māfine, e aloā tō fakatuatua e lahi! Ko te mea e fofou koe ki ei, ka vēnā lava oi fai mo koe.” I te taimi lava tēnā, na mālōlō ai tana tama teine.

Mataio 8:11

E lea atu au ki a te koutou, e tokalahi ki lātou ka ōmamai mai hahae ma hihifo oi nonofo fakatahi ki lalo ma Apelaamo, Ihaako ma Iakopo i te kaiga lahi i te Mālō o te lagi.

Mataio 8:9

Auā ko au foki ko he tino e i lalo o te pule a nā takitakikau e maualuluga atu ia te au, ma e i ei foki nā fitafita e i lalo o taku pule. Ma kāfai au e lea ki te tino tē, ‘Fano vē’ oi e fano; kāfai au e lea ki tētahi tino, ‘Hau’ oi e hau foki; ma kāfai au e lea ki taku kaukauna, ‘Fai te mea tē!’ oi e vēnā lava oi fai e ia.”

Maleko 6:6

Ma na ofo lele ia Iehu ki te hē fakatuatua o tagata. Oi fano ai ki nā nuku i te kogāfenua tēnā, ma akoako atu ki tagata.

Luka 5:20

Kua kitea e Iehu te lahi o to lātou fakatuatua, oi vāgana atu ai ki te tamāloa, “Te uho, ko au agahala kua fakamāgalo.”

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Luka 7:9

Na ofo lele ia Iehu i te ia lagona atuga o te mea tēnei; oi na liliu ai ki ona tua ma vāgana atu ki te kaifenua e tau mulimuli mai ki a te ia, “E lea atu au ki a te koutou, e hēki kō iloa lele he tino i Ihalaelu e vēnei hona fakatuatua!”

Gāluega 2:7

Oi na taufai ōfo uma lele ai ki lātou ma lea vē, “Ko nā tino iēnei e tautala vēia, ni tino Kalilaia!