Mataio 7:7 - Tokelauan New Testament

⁷ “Gogō atu, oi fōki atu ai ki a te koutou; hakili atu, oi maua ai e koutou; tukituki atu, oi tatala mai ai te faitotoka ki a te koutou.

Mataio 7:7 ပူးပေါင်းရင်းမြစ်များ

Mataio 18:19

“Ko tētahi mea tēnei e lea atu ai au ki a te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava oi fai mo ki lāua e toku Tamana i te lagi.

Mataio 21:22

Ma ko ho he mea lava e gogō atu ai koutou i te tatalo, ka vēnā lava oi maua e koutou, kāfai koutou e talitonu.”

Mataio 6:33

Kae hakili muamua e koutou te Mālō o te Atua ma nā mea e fofou ia ke koutou faia, oi fōki atu ai e ia ki a te koutou nā mea uma iēnei.

Mataio 7:11

Kāfai la koutou, e ui lava e kino, kae e koutou iloa oi fōki nā mea lelei ma autou fānau, ka hē hili atu nei la te lahi o nā mea lelei ka fōki atu e te koutou Tamana i te lagi, ki nā tino e gogō atu ki a te ia!

Mataio 7:8

Auā ko nā tino uma e gogō atu, ka fōki mai ki ei, ko nā tino e hakili atu, ka maua e ki lātou, ko nā tino e tukituki atu, ka tatala mai ki ei te faitotoka.

Maleko 11:24

Ko te mea ia e lea atu ai au ki a te koutou: Kāfai koutou e tatalo ma gogō atu ki he mea, talitonu kua maua e koutou, oi ka fōki atu ai ki a te koutou ho he mea lava e gogō atu koutou ki ei.

Luka 13:25

E pa loa ki te taimi e tū ai ki luga te tino e o ia te fale oi tapuni te faitotoka, ko koutou ka kāmata oi tutū i fafo ma tukituki te faitotoka ma lea vē, ‘Te aliki, tatala mai ko te faitotoka ki a te ki mātou!’ oi ka tali vē atu ki a te koutou, ‘E hē kō iloa koutou pe ōmamai i fea!’

Luka 18:1

Oi fai ai e Iehu he talafakatuha ki ona hoko, ke ki lātou iloa ai e tatau lava ki lātou ke fakamākekeke oi tatalo, ma ke nahe fakavāivai lele.

Ioane 15:16

E hēki koutou filifilia au, kae na kō filifilia koutou ma tōfia ke olo ma fua mai ni fua e lahi, te itūkāigā fua e tūmau pea. Oi fōki atu ai e te Tamana ki a te koutou, ho he mea lava e gogō atu koutou ki ei, i toku igoa.

Ioane 15:7

Ke tūmau te koutou tahi ia te au, ma ke tūmau taku kupu ia te koutou. Oi fōki atu ai ho he mea lava e tatalo atu koutou ki ei.

Ioane 4:10

Kua tali atu ia Iehu ki ei, “Ka na he mea na kē iloa te meaalofa a te Atua, ma pe ko ai foki te tino e lea atu ki a te koe mo he vai inu, anei ake kua lea koe ki ei, ma kua ia fōkiatua ki a te koe, te vai o te ola.”

Loma 2:7

Ki a te ki lātou e faia pea lava nā gāluega lelei ma hakilikili ki te vīkiga, te mamalu ma te ola tūmau, ka fōki ki ei e te Atua te ola e fakavavau.

Loma 3:11

e hēai he tino e mālamalama i te mea e tonu pe hakilikili atu ke māfuta ma te Atua;

Epelu 11:6

E hēai he tino e mafai ke fiafia ki ei te Atua pe kāfai e hē fakatuatua, auā ko ai lava he tino e hau ki te Atua e tatau ke talitonu e i ei te Atua, ma e i ei te taui kua ia hāunia mo ki lātou e hakili ake ki a te ia.

Iakopo 5:15

Ko te tatalo tēnei o te fakatuatua ka fakamālōlō ai nā tauale; ka fakafoki e te Aliki to lātou mālohi, ma fakamāgalo e ia a lātou agahala.

1 Ioane 3:22

E maua e ki tātou mai ia te ia, ho he mea e gogō atu ki tātou ki ei, auā ko ki tātou e uhitaki ki nā mea e fakatonu mai e ia, ma e fai e ki tātou nā mea e fiafia ia ki ei.