Mataio 7:6 - Tokelauan New Testament

⁶ “Nahe fōkia nā mea kua uma te fakapaia ki nā kulī — auā ka fakahaga mai oi takati koutou. Nahe togia autou pēnina ki mua o nā puaka — auā ka holi ki lalo i o lātou vae.

Mataio 7:6 ပူးပေါင်းရင်းမြစ်များ

Mataio 15:26

Ka kua tali mai ia Iehu, “E hē ko he mea tatau ke kave te meakai a tamaiti oi togi ma nā kulī.”

Mataio 24:10

E tokalahi nā tino ka fakavāivai i to lātou fakatuatua i te taimi tēnā; ka fakalata e tētahi tētahi ma inoino tētahi ki tētahi.

Mataio 7:5

Ko koe ko he tino āmio pepelo! Kave kehe muamua te kogālakau i loto o tō mata, oi fātoā kitea lelei ai e koe ke keu kehe te mea otaota i te mata o tō uho.

2 Kolinito 11:26

I te lahi o aku malaga, nae lamatia toku ola i nā lolovai, nā tino fāomea, mai oku tagata tōtino ma tagata nukukehe; nae lamatia i nā kakai lalahi, i te vaomatua, i te moana, vēnā foki mai nā uō pepelo.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Epelu 10:29

He ā la te mea e pa ki ei ki lātou e teteke ki te Ataliki o te Atua? ki lātou e manatu māmā ki te toto o te feagaiga a te Atua e fakamamā ai ki lātou mai te agahala? ki lātou e tauemu ki te Agaga e hau ai te alofa tūnoa? Māfaufau ki te kino lahi lele o te fakahalaga ka pa ki lātou ki ei!

Epelu 6:6

Kae nei kua liliu kehe ki lātou mai te Atua. E hē mafai ke toe kaumai ki lātou ke toe halamō, auā e vē lava kua toe fakahātaulo e ki lātou te Ataliki o te Atua, ma faigōfie ai ke fakatauemu ki ei ia tagata.

2 Petelu 2:22

Ko te mea na tupu ki a te ki lātou e fakaalia ai te hako o nā alagākupu e vē: “Ko te kulī e toe foki lava ki ona puakiga” ma “Ko te puaka kua uma te fufulu kehe o te palapala mai tona tino, e toe foki lava oi takafili i te palapala.”

Fakaaliga 22:15

Kae i fafo o te kakai, ka i ei ai nā tino e vē ni kulī, nā taulāitu, nā tino e tuinanau ki te tino, nā tino tāmate tino, nā tino ifo ki tupua, nā tino e fiafia oi tala pepelo ma fai nā mea hehē.