Mataio 7:3 - Tokelauan New Testament

³ He ā te kitea ai e koe te mea otaota i loto o te mata o tō uho, kae e hē kē kitea te kogālakau i loto o tō mata?

Mataio 7:3 ပူးပေါင်းရင်းမြစ်များ

Mataio 7:4

E lea vēhea koe ki tō uho, ‘Te uho, tuku mai tō mata ke keu kehe e au te mea otaota i loto,’ kae ko tēnā e i ei te kogālakau i loto o tō mata?

Mataio 7:5

Ko koe ko he tino āmio pepelo! Kave kehe muamua te kogālakau i loto o tō mata, oi fātoā kitea lelei ai e koe ke keu kehe te mea otaota i te mata o tō uho.

Luka 18:11

“Ko te Falehaio nae tū tautahi ma tatalo vēnei, ‘Te Atua, ko au e fakafetai atu ki a te koe, auā ko au e hē manako lahi, e hē talapepelo, ma e hē mulilua e vē ko iētahi tino. Ko au e fakafetai atu, auā ko au e hē vē ko te aolāfoga tēia.

Loma 2:1

E fakamahino atu nei koe ki iētahi tino? Te uho, e tuha lava pe ko ai koe, e hēai lele he mea e tatau ai ke fai e koe he mea vēnā. Auā kāfai e fakamahino atu koe ki iētahi tino, kae toe fai foki lava e koe nā mea e ki lātou faia, ko tona uiga kua fakahalagia ia koe e koe lava.

Kalatia 6:1

Te kau uho, kāfai he tino e ia faia ho he itūkāigā āmio kino, e tatau koutou iēnā kua takitakia e te Agaga, ke fakatonu ki a te ia i te agaga maualalo. Ma ko koutou foki ke mataala, nā meake ka fakaohoohogia ai foki koutou.