Mataio 7:24 - Tokelauan New Testament

²⁴ “Ko te mea ia, ho he tino e lagona e ia nā kupu iēnei a āku ma uhitaki ki ei, e vēia ia ko he tino poto na fau tona fale i luga o te papa.

Mataio 7:24 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 24:45

“Ko ai la te kaukauna e fakamāoni ma poto? Ko ia tē e tōfia e tona matai ke pule i ana kaukauna, ma fakahoa a lātou meakai i te taimi tatau?

Mataio 25:2

E toka lima ki lātou e vālelea ma toka lima e popoto.

Mataio 25:4

ka ko nā tautiti popoto kua kave a lātou lāmepa ma kave a lātou huāū fakaleoleo.

Mataio 25:9

‘E hēai he mea vēnā,’ kua tali atu nā tautiti popoto, ‘E hē lava mo ki mātou ma koutou. Olo ki te fale koloa oi fakatau mai ni autou huāū.’

Mataio 7:25

Kua to mai nā uaga mamafa, kua tafe mai te vai kua lōfia ai te kelekele, ma kua agi mālohi te matagi ki te fale. Kae e hēki pakū ki lalo auā na fau i luga o te papa.

Mataio 7:26

“Kae ho he tino e lagona e ia nā kupu iēnei a āku kae hē uhitaki ki ei, e vēia ia ko he tino valea na fau tona fale i luga o te oneone.

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Ioane 13:17

Nei la kua koutou iloa te moni o nā mea iēnei, amutia koutou kāfai e fakatakitaki koutou ki ei!

Ioane 14:15

“Kāfai koutou e alolofa mai ki a te au, tauhi la ki aku fakatonuga.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 15:14

Ma ko koutou ni uō e āku, kāfai koutou e uhitaki ki nā mea e kō fakatonua ai koutou.

Loma 2:13

Auā e hē ko nā tino e lagona i o lātou taliga te Tūlāfono te fakaleleia e te Atua to lātou va ma ia, kae ko nā tino e uhitaki ki nā mea e fakatonu mai e te Tūlāfono.

1 Ioane 2:3

Kāfai ki tātou e uhitaki ki nā mea e fakatonu mai e te Atua, oi ka mautinoa ai e iloa e ki tātou te Atua.