Mataio 7:21 - Tokelauan New Testament

²¹ “E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Mataio 7:21 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 16:17

Kua lea atu ia Iehu, “Amutia koe Himona te ataliki o Ioane! Auā ko te mea tēnei e hēki iloa e koe mai he tino ola, kae na fakailoa hako atu ki a te koe e toku Tamana i te lagi.

Mataio 18:10

“Tautuanā ma koutou ke nahe koutou taku fakatauva lele hētahi o ki lātou iēnei e tamaiti; auā e lea atu au ki a te koutou, ko a lātou agelu e i ei pea lava i te mea e i ei ai toku Tamana i te lagi.

Mataio 18:19

“Ko tētahi mea tēnei e lea atu ai au ki a te koutou: ho he taimi lava e mālilie ai he toka lua o koutou i te lalolagi ke tatalo atu ki ei, ka vēnā lava oi fai mo ki lāua e toku Tamana i te lagi.

Mataio 18:3

oi vāgana atu ai, “E takutino atu e au ki a te koutou, kāfai koutou e hē hūia ma kavea ke vē ni tamaiti, ka hē mafai lele koutou ke hao atu ki te Mālō o te lagi.

Mataio 18:35

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

Mataio 19:24

Ko au e toe lea vēnei atu ki a te koutou, e faigatā lele atu mo he tino maukoloa ke hao atu ki te Mālō o te lagi, i lo mo he kāmela ke ulu i te pu o he gila.”

Mataio 25:10

Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Maleko 3:35

Ko ai lava e faia te finagalo o te Atua, ko toku uho tēnā, ko toku tuafafine tēnā, ma toku mātua tēnā.”

Maleko 9:47

Kāfai foki ko tō mata te māfua ai oi uma tō fakatuatua, hali kehe ki ko! E hili atu tō hao ki te Mālō o te Atua kae mata tahi, i lo te kātoa o nā mata kae togi ai koe ki kēna.

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Luka 13:25

E pa loa ki te taimi e tū ai ki luga te tino e o ia te fale oi tapuni te faitotoka, ko koutou ka kāmata oi tutū i fafo ma tukituki te faitotoka ma lea vē, ‘Te aliki, tatala mai ko te faitotoka ki a te ki mātou!’ oi ka tali vē atu ki a te koutou, ‘E hē kō iloa koutou pe ōmamai i fea!’

Luka 18:25

E faigatā lele atu mo he tino maukoloa ke hao atu ki te Mālō o te Atua, i lo mo he kāmela ke ulu i te pu o he gila.”

Luka 6:46

“He ā te lea mai ai koutou ki a te au, ‘Te Aliki, Te Aliki,’ kae e hē koutou faia nā mea e lea atu ai au?

Ioane 14:7

Nei la kua koutou iloa au,” kua lea atu ia Iehu ki a te ki lātou, “ka koutou iloa foki toku Tamana, ma e kāmata atu nei, e koutou iloa ia, ma kua koutou kiteagia ia.”

Ioane 15:23

Ko ai lava he tino e inoino mai ki a te au, e inoino foki ki toku Tamana.

Ioane 3:5

Kae kua tali mai ia Iehu, “E takutino atu e au ki a te koe; e hēai he tino e mafai ke hao atu ki te Mālō o te Atua, heiloga kua fānau mai i te vai ma te Agaga.

Ioane 5:17

Kae kua tali atu ia Iehu ki a te ki lātou, “Ko toku Tamana e galue pea lava, ma ko au foki la e tatau lava ke galue.”

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Gāluega 14:22

Na fakamālohi atu ki lāua ki nā tino kua talitonu ki a Iehu ma apoapoaki ki ei ke pipiki mau ma te fakamāoni ki to lātou fakamoemoe ki a Iehu. Kua lea vē atu ki lāua, “E tatau ki tātou ke kui i loto o ni puapuagā e lahi, oi ulu atu ai ki tātou ki te Mālō o te Atua.”

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Loma 2:13

Auā e hē ko nā tino e lagona i o lātou taliga te Tūlāfono te fakaleleia e te Atua to lātou va ma ia, kae ko nā tino e uhitaki ki nā mea e fakatonu mai e te Tūlāfono.

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Kolohe 4:12

E alofa atu ia Epafalahi, ko hētahi tēnei mai te koutou ekalehia ma ko he kaukauna e a Keliho Iehu. E tatalo fakatauanau pea lava ia mo koutou i taimi uma, ma gogō atu ki te Atua ke fehoahoani atu ke mautū ai te koutou tutū, koutou iēnā kua mātutua i te faka-Kelihiano ma uhitaki kātoatoa ki te finagalo o te Atua.

1 Tehalonia 4:3

Ko te Atua e fofou, ko koutou ke paia ma ke hē ia te koutou lele nā tuinanauga kino ki te tino.

1 Tehalonia 5:18

ma ke maua i te loto fakafetai i nā mea uma e pa koutou ki ei. Ko tēnei te mea e fofou ki ei te Atua mai ia te koutou, i te koutou ōlaga māfuta fakatahi ma Keliho Iehu.

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Epelu 4:6

Ko nā tino na muamua fakalogo ki te tala lelei, e hēki maua e ki lātou te malōlōga tēnā, ona e hēki talitonu. E i ei la iētahi tino e fakataga e te Atua ke ki lātou mauagia.

Iakopo 1:22

E tatau ke fakatino e koutou te kupu a te Atua, kae hē nā ko te fakalogo oioti ki ei, auā ko te mea ia te ka fakahehē ai koutou.

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

Fakaaliga 22:14

Amutia nā tino e ufi mamā o lātou kofutatao kae ke maua e ki lātou te aiātatau ke kakai ai ki te fua o te lākau o te ola, ma ulu atu ki loto o te kakai kui i nā faitotoka.

Fakaaliga 3:5

Ko nā tino kua ki lātou mauagia te manumālō, ka kokofu vēnei i nā kofu paepae, ma ka hē kave keheagia e au o lātou igoa mai te tuhi o te ola. I mua o toku Tamana ma ana agelu, ka fakailoa atu e au ko ki lātou e āku.