Mataio 7:15 - Tokelauan New Testament

¹⁵ “Koutou ke fakaeteete i nā pelofeta pepelo: e ōmamai ki a te koutou e fōliga e vē ni māmoe i te kikila atu i fafo, kae ko loto, e vē lava ni luko fekai.

Mataio 7:15 ပူးပေါင်းရင်းမြစ်များ

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Mataio 16:11

E vēhea ona hē mālamalama koutou ko au nae hē tautala atu ki a te koutou e uiga ki ni falaoa? Koutou ke fakaeteete lelei i te fefete a te kau Falehaio ma te kau Hatukaio.”

Mataio 16:6

Kua vāgana atu ia Iehu ki a te ki lātou, “Koutou ke mataala ma fakaeteete lele i te mea fakafefete a te kau Falehaio ma te kau Hatukaio.”

Mataio 24:11

E tokalahi foki nā pelofeta pepelo ka huhula mai ma pelogia e ki lātou te tokalahi o tagata.

Mataio 7:14

Kae ko te faitotoka ki te ola e vāiti, ma te auala e tau ki ei e faigatā, e tokaititi foki nā tino e ki lātou maua.

Luka 12:15

Oi lea atu ai ia Iehu ki te kaifenua uma, “Kikila lelei ma ia koutou ke fakaeteete i te mānumanu; auā ko te ola o te tagata e hē fua fakatataua ki te lahi o ana koloa.”

Luka 6:26

“Kae hāloa la koutou, kāfai koutou e taku leleia e tagata uma; auā ko te mea foki tēnā na fai e o lātou tupuna ki nā pelofeta pepelo.

Ioane 10:12

Ko te tino faigāluega totogi kae e hē ko he leoleomāmoe, ma e hē a ia nā māmoe, e vili kehe kae tīaki nā māmoe kāfai e ia kitea he luko; oi ohofaki ai e te luko nā māmoe ma fakatākapekape ai ki lātou.

Gāluega 13:40

Ia koutou la ke fakaeteete, kae ke nahe taunuku te mea na vavalo e te kau pelofeta e tupu ki a te koutou:

Gāluega 13:6

Na malaga atu ki lāua mai kinā ki Pafoho i tētahi itū o te motu, ma ko kinā na fetaui ai ma he taulāitu e igoa ki a Pā-Iehu, he tino Iutaia nae lea ko ia ko he pelofeta, oi kae e hē ko he pelofeta.

Kalatia 2:4

e vē ona fofou ki ei ni tino. Ko nā tino iēnei na lea ko ki lātou kua talitonu e vē ko ki mātou, kae ni hipai na ōmamai kae ke ki lātou iloa ai e uiga ki te haolotoga kua ki mātou maua, e ala ia Keliho Iehu. Nae fofou ke fai ki mātou ke vē ni pologa,

Efeho 4:14

Ka hē toe vē ki tātou ni tamaiti e fetolifaki e nā galu ma pūhia holo i matagi vale o nā akoakoga a nā tino faitogafiti kino, iē e ki lātou takitakia iētahi tino ki te mea hehē, e ala ia lātou togafiti popoto.

Efeho 5:6

Ia koutou nahe fakahehēa e he tino i ni kupu e hēai ni uiga; ko nā mea iēnei te ka pakū ai te tōkahā o te Atua ki luga o ki lātou e hē uhitaki ki a te ia.

Filipi 3:2

Koutou ke fakaeteete i nā tino e vē ni kulī! Nā tino e ki lātou faia nā mea kino ma e fofou ke fakamātipitipi te tino.

Kolohe 2:8

Kikila lelei la kae ke nahe fakavaleagia koutou e he tino i te poto pepelo fakatetagata e hēai he aogā, tēia e hau mai nā akoakoga tuku fakaholo a tagata ma agaga e pūlea te vāteatea, kae hē mai ia Keliho.

2 Timoteo 3:13

ma ko nā tino āmio kino ma tau fakahehē, ka fakaatili te kino o a lātou mea e fai, i te fakahehēga o tagata ma te fakahehēga foki lava o ki lātou.

2 Timoteo 4:3

Auā e hau nā taimi ka hē toe fia fakalogo ai nā tino ki nā akoakoga moni, kae ka mulimuli lava ki o lātou tuinanauga, ma fakamāopoopo ai mo ki lātou lava ni faiakoga ke ki lātou taku akea nā mea e fia fakalogo ki ei o lātou taliga.

2 Petelu 3:17

Kae ko koutou te kau uho pele, kua uma te koutou iloa o te mea tēnei. Koutou la ke mataala, kae ke nahe tataki kehea ai koutou i nā hehē o tagata hē tauhi ki te tūlāfono, ma hē toe mautū lelei ai koutou.

1 Ioane 4:1

Te kau uho pele, koutou nahe talitonu ki nā tino uma e lea e ia te ki lātou te Agaga, kae hukehuke lelei ma hakili ke koutou iloa pe ko te agaga e ia te ki lātou e mai te Atua. Auā e tokalahi ia pelofeta pepelo kua olo ki itū kehekehe o te lalolagi.

Iuta 1:4

Auā e i ei nā tino hē mātataku i te Atua kua ōmamai munimuni ki te mea e i ei ki tātou; nā tino e fakahehē e ki lātou te fekau e uiga ki te alofa tūnoa o te Atua, kae ke fai ai pea o lātou tuinanauga mātagā ki te tino. E teteke foki ki lātou ki a Iehu Keliho to tātou Matai ma to tātou Aliki e fokotahi. Kua leva te vavalo e nā Tuhituhiga Paia te fakahalaga e ki lātou maua.

Fakaaliga 16:13

Oi kō kitea atu ai ni agaga kino e tolu e vē ni lane o lātou fōliga, e ōmamai mai loto o te gutu o te tālako, te gutu o te manu fekai ma te gutu o te pelofeta pepelo.

Fakaaliga 17:6

Ma na kō kitea ko te fafine kua konā i te toto o tagata o te Atua, ma te toto o nā tino na tāmate ona nae mulimuli ma te fakamāoni ki a Iehu. I te kō kiteaga o te fafine, ko au na ofo lahi lele.

Fakaaliga 19:20

Kua puke fakapagotā te manu fekai fakatahi ma te kau pelofeta pepelo nae ki lātou faia ni vāvega mo te manu fekai. (Ko nā vāvega iēnei te na ia fakahehēa ai ki lātou kua i ei te fakailoga a te manu fekai, ma ki lātou nae ifo ki nā fakatuha o te manu fekai.) Ko te manu fekai ma te kau pelofeta pepelo kua togi ola ki loto o te vaitūloto o te afi mumū ma te teiō.

Fakaaliga 20:10

Oi togi ai te Tiāpolo, tē nae ia fakahehēa ki lātou, ki loto o te vaitūloto o te afi ma te teiō, te mea kua uma te togi ki loto te manu fekai ma nā pelofeta pepelo; ma ka fakatīgāina ai pea ki lātou i kinā i te pō ma te ao, ke pa lava ki te fakavavau fakavavau lava.