Mataio 6:7 - Tokelauan New Testament

⁷ “Kāfai koutou e tatalo, nahe koutou fakaaogā ni kupu e lahi e hēai ni uiga e vē ko faiga a tagata nukukehe. E vēakē kāfai e loloa a lātou tatalo oi ka lagona ai ki lātou e o lātou atua.

Mataio 6:7 ပူးပေါင်းရင်းမြစ်များ

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Mataio 26:39

Kua hēleka mālie atu ia Iehu ki mua, oi fakapakū fakapūlou ai ki te kelekele ma tatalo vē, “Toku Tamana, kāfai e mafai, kave kehe ko te ipu o puapuagā mai ia te au. Kae nahe faia toku loto kae fai tō finagalo.”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 26:44

Oi toe tukua ai foki e ia ki lātou kae fano oi tatalo, ma ko te fakatolu tēnei o taimi na tatalo ai, ma na fakaaogā e ia nā kupu lava na tatalo ai muamua.

Mataio 6:32

Auā ko nā mea uma iēnei e popole pea lava ki ei ia tagata nukukehe; ma e iloa e te koutou Tamana i te lagi ko nā mea uma iēnei e manakomia e koutou.

Gāluega 19:34

Kae i te matea atuga e ki lātou ko Alehana ko he Iutaia, oi taukalalaga fakatahi ai lava vēnei mo he lua itūlā, “E hilihili te mamalu o Atemito o Efeho!”