Mataio 6:28 - Tokelauan New Testament

²⁸ “He ā foki te popole ai koutou ki nā kofu? Kikila ki nā tiale o te vao pe ola vēhea; e hē gālulue pe hui ni o lātou kofu.

Mataio 6:28 ပူးပေါင်းရင်းမြစ်များ

Mataio 10:10

nahe kavea he ato mo te malaga, pe he kofutino fakaleoleo, pe ni hēvae, pe he tokotoko. Ko nā tino faigāluega e tatau ke fōki ki ei nā mea ke ola ai.

Mataio 6:25

“Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ma inu ai koutou; nahe popole foki ki nā tino o koutou, pe ni a te ka kokofu ai koutou. Auā e hē hili atu nei te tāua o te ola i lo nā meakai, ma te tino i lo nā kofu?

Mataio 6:27

E i ei he tino o koutou e ia mafaia oi fakaopoopo he kupita e fokotahi ki tona ola i te popole ki ei?

Mataio 6:31

“Ko te mea ia, koutou nā popole ma lea vē: ‘Ka maua nei i fea ha mātou mea ke kai? pe ko ha mātou mea ke inu? pe ni o mātou kofu?’

Luka 10:41

Kua tali atu ki ei te Aliki, “Mafa, Mafa! Te lahi o nā mea e fakaatu ma popole koe ki ei,

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Luka 12:22

Kua vāgana atu ia Iehu ki ona hoko, “Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ai koutou; nahe popole foki ki nā tino o koutou, pe ni a te ka kokofu ai koutou.

Luka 12:27

Kikila ki nā tiale o te vao pe ola vēhea; e hē gālulue pe hui ni o lātou kofu. Kae e lea atu au ki a te koutou, ke pa lava ki te Tupu ko Holomona ma te lahi o ana koloa, e hēki ia maua ni kofu mānanaia e vē ko he tiale o nā tiale iēnei.

Luka 3:11

Kua tali mai ia Ioane, “Ko te tino e lua ni ona kofu, fōki tētahi kofu mo te tino e hēai hona kofu, ma ko te tino e i ei hana meakai, e tatau ke fai foki vēnā e ia.”

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

1 Petelu 5:7

Ko te Atua e alofa ki a te koutou, tuku atu la ki a te ia nā mea uma e popole ai koutou.