Mataio 6:25 - Tokelauan New Testament

²⁵ “Ko te mea ia e lea atu ai au ki a te koutou, ia koutou nahe popole ki nā ola o koutou, pe ni a te ka kakai ma inu ai koutou; nahe popole foki ki nā tino o koutou, pe ni a te ka kokofu ai koutou. Auā e hē hili atu nei te tāua o te ola i lo nā meakai, ma te tino i lo nā kofu?

Mataio 6:25 ပူးပေါင်းရင်းမြစ်များ

Mataio 10:19

Kāfai koutou e kave e ki lātou ki te fakamahinoga, koutou nahe popole pe ka vēhea ake hautou tala e fai ki ei, ma pe fakakupu vēhea foki; ka pa ki te taimi tēnā, ka fōki atu lava ki a te koutou nā kupu ke tautatala ai koutou.

Mataio 13:22

Ko nā fatu haito na pakukū ki te mea e ola ai nā vao mātuituia, e fakatuha ki nā tino e ki lātou lagona te fekau a te Atua; kae ko popōlega o te ōlaga ma te mānumanu ki koloa o te lalolagi, kua taomia ai te fekau ma hē fua mai ai ni fua.

Mataio 6:31

“Ko te mea ia, koutou nā popole ma lea vē: ‘Ka maua nei i fea ha mātou mea ke kai? pe ko ha mātou mea ke inu? pe ni o mātou kofu?’

Mataio 6:34

Ko te mea ia, koutou nahe popole ki te aho taeao; auā ka popole lava te aho taeao ki a te ia lava. Kua lava lava nā fakafītāuli o te aho mo te aho lava tēnā.

Maleko 13:11

Ma kāfai koutou e puke ma kave ki te fakamahinoga, koutou nahe popole pe ka vēhea ake hautou tala e fai ki ei; kāfai e pa ki te taimi tēnā, tautatala lava i nā kupu ka fōki atu ki a te koutou. Auā ko nā kupu e tautatala ai koutou ka hē a koutou, kae ka hau mai te Agaga Paia.

Maleko 4:19

kae ko popōlega o te ōlaga ma te mānumanu ki koloa o te lalolagi ma iētahi mea uma e naunau ki ei, kua tumu ai te loto ma kua taomia ai te fekau ma hē fua mai ai ni fua.

Luka 12:11

“Ma kāfai koutou e kave e ki lātou ke fakamahino i loto o nā hūnako, pe ki mua o nā kōvana pe ko nā tupu, koutou nahe popole pe ka tali vēhea ake koutou ki a lātou mōliga, pe ka vēhea ake foki ni kupu ke tautatala ai koutou.

Luka 8:14

Ko nā fatu haito na lūlū ki te mea e ola ai te vao mātuituia, e fakatuha ki nā tino e ki lātou lagona te kupu; kae ko te mānumanu ki koloa ma fiafiaga o te ōlaga, e taomia ma hē mātutua ai ona fua.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

1 Kolinito 7:32

Ko au e hē fofou ko koutou ke popole. Ko te tino e hēki fakaipoipo e fano tona māfaufau ki te gāluega a te Aliki, auā e taumafai ke fai e ia te mea e fiafia ai te Aliki.

Filipi 4:6

Koutou nahe popole ki he mea e fokotahi, kae tatalo ki te Atua ki nā mea uma e fofou koutou ki ei, gogō atu ki a te ia ma te loto fakafetai.

2 Timoteo 2:4

E hēai he fitafita e galue i ona tiute fakafitafita e fofou ke ia faia ni iētahi gāluega kehe, auā ko te mea e fakamuamua i tona māfaufau, ke fakafiafia tona pule i ana gāluega.

1 Petelu 5:7

Ko te Atua e alofa ki a te koutou, tuku atu la ki a te ia nā mea uma e popole ai koutou.