Mataio 6:13 - Tokelauan New Testament

¹³ Ma nahe takitakia ki mātou ki nā fakaohoohoga, kae laveaki ki mātou mai te kino.’

Mataio 6:13 ပူးပေါင်းရင်းမြစ်များ

Mataio 26:41

Tautuku lelei ma tatalo ke nahe maua koutou i ni fakaohoohoga; ko te loto e fofou ki ei, ka ko te tino e vāivai.”

Mataio 28:20

ma akoako ki a te ki lātou ke mulimuli ki nā mea kua kō fakatonua ai koutou. Ma ko au ka fakatahi pea lava ma koutou, ke pa lava ki te gataaga o te ōlaga.”

Mataio 5:37

Kae lea oioti, ‘Io’ pe ‘Hēai’ — ko ho hētahi mea e lea ai koutou, e mai te Tiāpolo.

Mataio 6:10

Ke pa mai tō Mālō, ke fai tō loto i te lalolagi e vē oi faia i te lagi.

Ioane 17:15

Ko au e hē lea atu ke kave kehe ki lātou mai te lalolagi, ka ko au e lea atu, ke puipui malu ki lātou mai ia Hātani.

1 Kolinito 10:13

Ko nā tofotofoga kua pa koutou ki ei ko te itūkāiga lava e tahi e maua ai foki ia tagata uma. Kae ko te Atua e tauhi ki tana folafolaga, ma e hē ia tukua koutou ki he tofotofoga e hili atu i lo te koutou mālohi ke mau lelei ai autou tutū; i te taimi e tofotofo ai koutou, ka fōki atu e ia te mālohi ke maua ai e koutou te onohai, ma mafai ai ke hao kehe koutou.

1 Kolinito 14:16

Kāfai koe e fakafetai ki te Atua i te agaga oioti, e vēhea ona lea he tino kehe e i ei fakatahi i te māfutaga, “Amene” ki te fakaikuga o tau tatalo fakafetai, kāfai e hē mālamalama i au kupu e tautala ai koe?

2 Kolinito 1:20

auā ko ia ko te “Io” ki folafolaga uma a te Atua. Ko te mea ia e kui atu ai ia Iehu Keliho te tātou “Amene” mo te vīkiga o te Atua.

Kalatia 1:4

Na fakataunuku e Iehu Keliho te finagalo o to tātou Atua te Tamana, ma ofo atu tona ola mo a tātou agahala, kae ke maua ai e ki tātou te haolotoga mai tēnei lalolagi kino.

1 Tehalonia 1:10

ma fakatalitali ki tona Ataliki ke fanaifo mai te lagi — tona Ataliki ko Iehu, tē na fakatū e ia mai te oti, ma e ia laveakia ki tātou mai te tōkahā o te Atua e tuku e pa mai.

2 Tehalonia 3:3

Kae ko te Aliki e fakamāoni, ma ka ia fōki atua ki a te koutou te loto mākeke, ma puipuia koutou mai te kino.

1 Timoteo 1:17

Ke i te Tupu o te fakavavau, tē e ola pea lava ma hē kitea e he tino, te Atua e tokatahi lava — te mamalu ma te vīkiga, ke pa ki te fakavavau lava! Amene.

Epelu 11:36

Ko iētahi nae fakatauemu ki ei ia tagata ma kini, ma ko iētahi nae haihai i nā filifili ukamea ma togi ki te falepuipui.

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

2 Petelu 2:9

E iloa la e te Aliki te auala e fakahao ai nā tino e mātataku i te Atua, mai o lātou puapuagā, ma ia iloa te auala e tāofi ai pea lava nā tino kino i te fakahalaga ke pa ki te Aho Fakamahino,

1 Ioane 3:8

Ko ai lava e ia faia pea lava te agahala, ko ia tēnā e o te Tiāpolo, auā ko te Tiāpolo na agahala mai lava i te kāmataga. Ko tēnei tonu lava te mea na hula mai ai te Ataliki o te Atua, ke fakahēaogā nā gāluega a te Tiāpolo.

Fakaaliga 1:18

Ko au ko tē e ola pea lava! Ko au na oti, kae nei ko au kua toe ola ke pa ki te fakavavau. E ia te au te pule e pūlea ai e au te Oti ma Heoli.

Fakaaliga 19:1

Kua uma atu te mea tēnei, oi lagona ai e au he mea e vē he leo lahi lele o he kaifenua tokalahi i te lagi, e tau kālalaga vē, “Ke vīkia te Atua! Ko te Atua ko te Fakaola! E o ia te mana ma te mālohi!

Fakaaliga 19:4

Oi fakapakukū ai ki lalo nā toeaina e toka luahefulufa ma nā meaola e fa, kua ifo ki te Atua e nofo i tona nofoāliki. Kua lea vē atu, “Amene! Ke vīkia te Atua!”

Fakaaliga 2:10

Koutou nahe mātataku i nā mea ka puapuagātia ai koutou. Kikila, e i ei nā tino o koutou ka togi e te Tiāpolo ki te falepuipui ke tofotofo ai koutou, ma e hefulu ia aho ka maua ai koutou i nā fakafītāuli. Koutou ke fakamāoni pea lava e tuha lava pe oti ai koutou, oi fōki atu ai e au ki a te koutou te ola, ke fai ma pale e fakailoa ai te koutou manumālō.

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”

Fakaaliga 3:10

Ona ko koe kua mulimuli ki taku fakatonuga ke onohai, ka kō puipuia ai foki la koe ke haogalēmū kāfai e pa ki te taimi e maua ai te lalolagi i nā puapuagā, ke tofotofo ai ia tagata uma i te lalolagi.

Fakaaliga 3:14

“Tuhi vēnei ki te agelu o te Ekalehia i Laotikeia: “Ko te fekau tēnei mai tē e igoa ko te Amene, te molimau e fakamāoni ma e moni, ko ia ko te kāmataga o nā mea uma na gaohia e te Atua.

Fakaaliga 5:13

Ma na kō lagona atu nā meaola uma lele i te lagi, i te lalolagi, i te lalolagi i lalo i te takele o te kelekele, ma i loto o te tai — ma meaola uma i loto o iēnei mea uma, e pepehe: “Ke i tē e nofo i luga o te nofoāliki vēnā ma te Punuamāmoe, te fakafetai ma te fakaaloalo, te vīkiga ma te mana, ke pa ki te fakavavau fakavavau lava!”