Mataio 6:10 - Tokelauan New Testament

¹⁰ Ke pa mai tō Mālō, ke fai tō loto i te lalolagi e vē oi faia i te lagi.

Mataio 6:10 ပူးပေါင်းရင်းမြစ်များ

Mataio 12:50

Ko ai lava e ia faia te finagalo o toku Tamana i te lagi, ko toku uho tēnā, ko toku tuafafine tēnā ma toku mātua tēnā.”

Mataio 16:28

E takutino atu e au ki a te koutou, e i ei nā tino ka ki lātou kiteagia te Ataliki o te Tagata kāfai ka hau ko ia ko te Tupu, ka ko hēki feoti ki lātou.”

Mataio 26:42

Kua toe fano kehe ia Iehu ma tatalo vē, “Toku Tamana, kāfai tēnei ipu o puapuagā e hē mafai ke kave kehea heiloga ke inu au ki ei, e fai lava tō finagalo.”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 4:17

Mai te taimi tēnā na kāmata ai oi fai te tālakiga a Iehu e vē; “Liliu kehe mai autou agahala, auā kua pili mai te Mālō o te lagi.”

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Maleko 11:10

Ke fakamanuia e te Atua te mālō ka pa mai o te Tupu ko Tavita, tō tātou tamana! Ke vīkia te Atua!”

Maleko 3:35

Ko ai lava e faia te finagalo o te Atua, ko toku uho tēnā, ko toku tuafafine tēnā, ma toku mātua tēnā.”

Luka 19:11

Ka koi fakalogologo atu ki lātou ki nā mea tēnei, oi kāmata ai oi fai e Iehu he talafakatuha. Kua tafapili lele atu ia ki Ieluhalema, ma e manatu lava ia tagata ko ki lātou kua tāli kikila lele ki te Mālō o te Atua.

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Luka 22:42

Kua lea vē, “Te Tamana, kāfai koe e finagalo ki ei, kave kehe ko te ipu tēnei o puapuagā mai ia te au. Kae nahe faia toku loto, ka ko tō finagalo.”

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 6:40

Auā ko te mea e fofou ki ei toku Tamana, ko nā tino uma e ki lātou talia te Ataliki ma talitonu ki ei, e tatau ke maua e ki lātou te ola e fakavavau. Ma ka kō fakatutūa ki lātou ki te ola, i te aho mulimuli.”

Ioane 7:17

Ko ai lava e fiafia oi fai te mea e fofou ki ei te Atua, ka ia iloa pe ko taku akoakoga e hau mai te Atua, pe hau lava i taku pule.

Gāluega 13:22

I te kave kehega e te Atua o Haulo, oi ia filifilia ai ia Tavita ke hui ki ei. E vēnei te vāgana a te Atua na fai e uiga ki a Tavita, ‘Kua iloa e au ko Tavita te ataliki o Iehe, ko te itūkāigā tagata ia e fofou au ki ei, he tino ka ia faia nā mea uma e fofou au ki ei.’

Gāluega 21:14

E hēki mafai e ki mātou oi hui te māfaufau o Paulo, oi e hēki toe taumafai ki mātou ma na vē atu ai ta mātou kupu, “Ke fai te finagalo o te Aliki.”

Gāluega 22:14

Oi lea vē mai ai, ‘Ko te Atua o nā tupuna o ki tātou, kua ia filifiliagia koe ke kē iloa te mea e fofou ia ki ei, ke kē kitea tana Kaukauna āmiotonu, ma ke kē lagona tona lava leo e tautala atu ki a te koe.

Loma 12:2

Koutou nahe mulimuli ki faiga a te lalolagi, kae ke līua koutou e ala i te hūia kātoatoa e te Atua o outou māfaufau. Oi ka iloa tonu ai e koutou te finagalo o te Atua — te mea e gali ma e fiafia ai ia, ma e kātoatoa te lelei.

Efeho 6:6

Nahe koutou faia oioti kāfai e kikila atu, kae ke fiafia atu ai ki a te koutou; kae fai ma te loto kātoatoa, koutou nā pologa a Keliho, te mea e finagalo ki ei te Atua.

Kolohe 1:13

Na ia laveakia ki tātou mai te mālohi o te pōuliuli, ma kaumai ki tātou ma te haogalēmū ki loto o te mālō o tona Ataliki pele,

Kolohe 1:9

Mai te aho lava la na ki mātou iloa ai, e hēki uma lele to mātou tatalo mo koutou. Ko ki mātou e tatalo ki te Atua ke fakatumulia koutou i te mālamalama e uiga ki tona finagalo, vēnā ma te poto uma ma te iloa e maua mai i tona Agaga.

1 Tehalonia 4:3

Ko te Atua e fofou, ko koutou ke paia ma ke hē ia te koutou lele nā tuinanauga kino ki te tino.

1 Tehalonia 5:18

ma ke maua i te loto fakafetai i nā mea uma e pa koutou ki ei. Ko tēnei te mea e fofou ki ei te Atua mai ia te koutou, i te koutou ōlaga māfuta fakatahi ma Keliho Iehu.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 10:36

E tatau koutou ke onohai, kae ke fai ai e koutou te finagalo o te Atua, ma maua ai e koutou nā mea kua uma te folafola e ia.

Epelu 10:7

Oi lea vē ai au, ‘Tēnei au, ke faia tō finagalo te Atua, e vē lava oi tūhia e uiga ki a te au i te tuhi o nā Tūlāfono.’ ”

1 Petelu 2:15

Auā ko te mea e fofou ki ei te Atua, ke koutou fakaumagia nā tala e hēai he uiga a nā tino vālelea, e ala i autou gāluega lelei e fai.

1 Petelu 4:2

E kāmata atu nei la, ko te koutou ola koi totoe i te lalolagi nei, e tatau ke pūlea e nā mea e finagalo ki ei te Atua, kae hē ko nā manakoga fakatetagata.

Fakaaliga 11:15

Oi ili ai te pu a te fitu o agelu, ma na kō lagona atu ai nā leo i te lagi e lea leo lalahi vēia, “Ko te pule e pūlea kātoa ai te lalolagi i te taimi nei, kua i lima o to tātou Aliki ma tana Mehia, ma ka pule pea lava ia ke pa ki te fakavavau!”

Fakaaliga 12:10

Oi kō lagona ai he leo lahi i te lagi e lea vē, “Kua fakaalia te fakaolataga a te Atua i e taimi nei. Kua fakaalia e te Atua tona mālohi ko ia ko te Tupu i te taimi nei. Kua fakaalia te pule a tona Mehia i te taimi nei! Auā ko tē nae tū i mua o te Atua ma mōlia o mātou uho Kelihiano i te ao ma te pō, kua togi ki lalo mai te lagi.

Fakaaliga 19:6

Oi kō lagona ai he leo o he kaifenua, e vē ko te gugulu o he tai galu lahi, e vē ko te gāpāpā o nā tāgulu. Na lagona atu e au ki lātou e lea vē, “Ke vīkia te Atua! Auā ko te Aliki to tātou Atua Hilihilikehe te Mālohi, ko ia ko te Tupu!

Fakaaliga 20:4

Oi kō kitea atu ai ni nofoāliki, ma ko nā tino e nonofo i luga ko ki lātou iēnā kua tuku atu ki ei te pule ke fakamahino ai e ki lātou iētahi tino. Ko ki lātou iēnei ko nā agaga ia o nā tino na tatipi o lātou ua, ona na fai ki lātou ma molimau e uiga ki te fekau a Iehu ma te kupu a te Atua. E hēki ifo ki lātou ki te manu fekai pe ki tona fakatuha, ma e hēki maua e ki lātou te fakailoga a te manu fekai ki o lātou muāulu pe ki o lātou lima. Kua toe ola mai ki lātou ma kua pule fakatahi ki lātou ma Keliho, mo he afe tauhaga.