Mataio 5:46 - Tokelauan New Testament

⁴⁶ Auā kāfai koutou e alolofa oioti ki nā tino e alolofa atu ki a te koutou, he ā te ka maua tauanoa ai he koutou taui? E pa foki lava ki nā aolāfoga e fai e ki lātou te mea tēnā!

Mataio 5:46 ပူးပေါင်းရင်းမြစ်များ

Mataio 11:19

I te hauga o te Ataliki o te Tagata, nae kai ma inu ki te uaina, oi lea vē ai nā tino, ‘Kikila ki te tagata tēnei! E kai fakaatuatuvale ma konā i te uaina, he uō e a nā aolāfoga ma iētahi tino inohia!’ Ka ko te poto o te Atua e fakaalia te moni, i ana gāluega.”

Mataio 18:17

Kāfai e hē fakalogo ki a te ki lātou, oi fakailoa ai te mea kātoa ki te Ekalehia. Kāfai la e hē fakalogo foki ki te Ekalehia, oi kavea ai loa ia ke vē he tagata nukukehe, pe he aolāfoga, i tautou māfuta ki ei.

Mataio 5:47

Ma kāfai koutou e fakataumuna oioti ki autou uō, kua koutou faia nei he mea e kehe mai nā mea e fai e iētahi tino? E pa foki lava ki tagata nukukehe e fai e ki lātou te mea tēnā!

Mataio 6:1

“Ke mautinoa ko autou gāluega lelei, e hē faia i mua o tagata kae ke ki lātou kitea ai autou mea e fai. Kāfai e fai vēnā e koutou nā mea iēnei i mua o tagata, ka hē maua houtou taui mai te koutou Tamana i te lagi.

Maleko 2:15

I he taimi mulimuli ake, na fai ai te katiga a Iehu i te fale o Levi. E tokalahi nā aolāfoga ma iētahi tino inohia nae mulimuli ki a Iehu, ma e tokalahi ki lātou iēnei na kakai fakatahi ma ia ma ona hoko i te laulau.

Maleko 2:16

Ko iētahi faiakoga o te Tūlāfono, ni Falehaio, kua ki lātou kitea atu ia Iehu e kakai fakatahi ma nā aolāfoga vēnā ma nā tino inohia, oi fehili vē atu ai ki ona hoko, “He ā te kakai fakatahi ai ia Iehu ma nā tino vēnā?”

Luka 15:1

I tētahi aho na ōmamai ai nā aolafoga e tokalahi, ma iētahi tino inohia oi fakalogologo ki nā akoakoga a Iehu,

Luka 18:13

“Kae ko te aolāfoga, nae tū mamao mai, ma e hēki kikila ake foki ona mata ki te lagi, ka nae pōpō tona fatafata, ma lea vē, ‘Te Atua, alofa mai ko ki a te au te tagata agahala!’ ”

Luka 19:2

Nae i kinā he takitaki aolāfoga e igoa ki a Hakaio, he tino maukoloa.

Luka 19:7

Ko nā tino uma na ki lātou kiteagia te mea tēnei, kua kāmata oi mūimui ma lea vē, “Ko te tagata tēnei kua fano ki te fale o he tino agahala!”

Luka 3:12

Na ōmamai foki nā aolāfoga ke papatiho ki lātou, oi fehili vē atu ai ki lātou ki a Ioane, “Te faiakoga, he ā te tatau ke ki mātou faia?”

Luka 5:29

Oi fai ai te kaiga lahi a Levi i tona fale mo Iehu, ma e tokalahi nā aolāfoga ma iētahi tino na fakatahi atu ki ei.

Luka 5:30

Ko iētahi o te kau Falehaio ma iētahi o faiakoga o te Tūlāfono, kua faitio ki ona hoko. Kua lea vē atu ki ei, “He ā te kakai ma inu fakatahi ai koutou ma nā aolāfoga ma iētahi tino inohia?”

Luka 7:29

Ko nā tino uma lele nae fakalogologo ki a Ioane; ma e pa foki lava ki nā aolafoga, na uhitaki ki te Atua ma na ki lātou faia te mea e hako i te kua oatu ke papatiho ki lātou e Ioane.

Luka 7:34

I te hauga o te Ataliki o te Tagata, nae kai ma inu, kae kua lea vē koutou, ‘Kikila ki te tagata tēnei! E kai fakaatuatuvale ma konā i te uaina, ma ko he uō e a nā aolāfoga ma iētahi tino inohia!’