Mataio 5:4 - Tokelauan New Testament

⁴ Amutia nā tino e fakanoanoa; auā ka fakamāfanafanagia ki lātou e te Atua!

Mataio 5:4 ပူးပေါင်းရင်းမြစ်များ

Luka 16:25

“Kae kua lea vē atu ia Apelaamo, ‘Toku ataliki, e manatua e koe, i tō ōlaga kātoa, na maua e koe nā mea lelei uma lele, kae maua e Lahalo nā mea e kino. Kae nei, kua fiafia ia Lahalo i kinei, kae maua koe i nā tīgā.

Luka 6:21

Amutia koutou iēnā e fia kakaia nei; auā ka fakamaliegia kātoatoa koutou! Amutia koutou iēnā e faitatagi nei; auā koutou ka faikakata!

Luka 6:25

Kae hāloa la koutou iēnā e mākokona nei; auā ka fia kakai koutou! Kae hāloa la koutou iēnā e faikakata nei; auā ka fakanoanoa ma faitatagi koutou!

Luka 7:38

Oi fano ai kua tū i tua i tafa o nā vae o Iehu, kua tagi ma fakahuhū nā vae o Iehu i ona loimata. Oi holo ai e ia nā vae o Iehu i tona laulu ma hogi ki ei, ma liligi ki luga nā lolo manogi taugatā.

Luka 7:50

Kae kua lea atu ia Iehu ki te fafine, “Ko tō fakatuatua kua ola ai koe; fano la ma te manuia.”

Iakopo 1:12

Amutia nā tino e onohai i nā taimi o tofotofoga, auā kāfai e manumālō ki lātou i nā tofotofoga vēnei, ka ki lātou maua te taui, ko te ola tēia kua uma te folafola e te Atua mo nā tino e alolofa ake ki a te ia.

Fakaaliga 21:4

Ka holoi kehe e ia nā loimata uma mai o lātou mata. Ka hē toe i ei he oti, ka hē toe i ei he fakanoanoa pe he tagi pe he tīgā. Ko nā mea tuai kua mou kehe atu.”