Mataio 5:29 - Tokelauan New Testament

²⁹ Ko te mea ia, kāfai ko tō mata taumatau te māfua ai oi agahala koe, gape kehe oi tīaki. E hili atu te māumau o hō itūtino i lo te togi o tō tino kātoa ki kēna.

Mataio 5:29 ပူးပေါင်းရင်းမြစ်များ

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 11:6

Amutia nā tino e hē māhalohalo mai ki a te au!”

Mataio 16:26

He ā nei te aogā kāfai e maua e he tino te lalolagi kātoa kae māumau ai tona ola? Pe he ā foki he mea e mafai e he tino ke fōki kae ke toe ia maua ai tona ola?

Mataio 17:27

Ka ko ki tātou e hē fofou ke fai he mea ke ita ai nā tino iēnei. Ko te mea ia, fano ki te vaitūloto oi lalafo ai tō uka. Ko tau ika muamua lava e hi, ka maua e koe i loto o te gutu he tupe hiliva e lava ke totogi ai taku lāfoga mo te Mālumalu vēnā ma tau lāfoga. Kave oi totogi ai a tā lāfoga.”

Mataio 19:12

Auā e i ei nā māfuaaga kehekehe e hē mafai ai ia tamāloloa ke āvavaga; ko iētahi e māfua ona na fānanau mai lava e vē; ko iētahi ona ko nā mea na fai ki a te ki lātou e iētahi tino, ma ko iētahi e hē āvavaga kae ke mafai ai ki lātou ke tautua ki te Mālō o te lagi. Ko te tino e ia mafaia oi talia te akoakoga tēnei, oi talia loa.”

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Mataio 5:22

Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Mataio 5:30

Ma kāfai ko tō lima taumatau te māfua ai oi agahala koe, tipi kehe oi tīaki. E hili atu te māumau o hō lima i lo te togi o tō tino kātoa ki kēna.

Maleko 8:36

He ā nei he aogā kāfai e maua e he tino te lalolagi kātoa, kae māumau ai tona ola?

Luka 12:5

Kae ka fakailoa atu e au ki a te koutou te tino e tatau ke mātataku ai koutou: mātataku i te Atua, auā e ia te ia te pule ke togi ai he tino ki kēna, kāfai e uma te ia tāmatea. Talitonu mai ki a te au, ko ia te tatau ke mātataku ai koutou!

Loma 6:6

Ma e iloa e ki tātou ko o tātou tagata tuai kua tāmate fakatahi ma Keliho i luga o tona hātaulo, kae ke mafai ai o tātou tino agahala ke fakaumatia, ma hē toe kavea ai ki tātou ma pologa a te agahala.

Loma 8:13

Auā kāfai koutou e ola e tuha ai ma te fakatetagata, ko koutou la ka pa ki te oti; kae kāfai i te fehoahoani a te Agaga e fakaumatia e koutou outou uiga kino, ko koutou ka ola.

1 Kolinito 9:27

E fakamākeke e au toku tino i te tatuki ma pūlea ki toku loto kātoa, nā ia au e fakahala ma tuli kehe ma te tākaloga, tēia kua uma toku kalaga ki iētahi tino ke ōmamai oi tākakalo ai.

Kalatia 5:24

Ma ko nā tino e ia Keliho Iehu, kua tāmate e ki lātou o lātou natula fakatetagata, fakatahi ai ma te nauloto ma nā tuinanauga.

Kolohe 3:5

Fakauma loa la nā manakoga o te lalolagi e pūleagia outou tino, e vē ko te tuinanau ki te tino, faiamio mātagā, nanau, nauloto kino, ma te kaimanako (auā ko te kaimanako e tutuha ma te ifo ki tupua).