Auā e hau mai te loto nā manatu kino e tupu ai te tāmate tino, te mulilua, ma iētahi uiga hē taupulea; te kaihohoa, te talapepelo, ma te fai tala fakakino.
Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.
Kae ko au e lea atu nei ki a te koutou: nahe tauia e koutou he mea kino a he tino na fai ki a te koutou. Kāfai tō pakōkō taumatau e po e he tino, liliu ki ei tētahi pakōkō.
Oioti lava te mea e fano ki ei o lātou māfaufau, ke i ei he avanoa ke fai ai e ki lātou te mulilua; ko to lātou umiti ki te agahala e hē mafai ke uma. E takitaki hehē e ki lātou nā tino e fakahehē gōfie, ma ko o lātou loto e akoako ke iloa oi manako lahi. Kua fakamālaia ki lātou e te Atua.
Ko nā mea uma o te lalolagi — te nanau ki te tino, nanau ki nā mea e kitea e nā mata, te fāfia i nā mea o te ōlaga — e hēai he mea o nā mea iēnei e hau mai te Tamana; e hau uma lele mai te lalolagi.