Mataio 5:22 - Tokelauan New Testament

²² Kae ko au e lea atu nei ki a te koutou, ko ai lava e ita ki tona uho, ka kave ki te fakamahinoga; ko ai lava e lea vē ki tona uho, ‘E hēai hō aogā!’ ka kave ki te Taupulega, ma ko ai lava e taku e ia tona uho ko he mea valea, e ono togi ki loto o te afi o kēna.

Mataio 5:22 ပူးပေါင်းရင်းမြစ်များ

Mataio 10:17

Koutou ke mataala, auā e i ei nā tino ka ki lātou pukea koutou ma kave ki te fakamahinoga, ma ka ki lātou kinia koutou i loto o nā hūnako.

Mataio 10:28

Ma ia koutou nahe mātataku i nā tino e tāmate e ki lātou te tino o te tagata, kae hē ki lātou mafaia oi tāmate te agaga; kae mātataku i te Atua e ia mafaia oi fakaumatia te tino fakatahi ma te agaga i te afi o kēna.

Mataio 12:24

I te lagonaga e nā Falehaio te mea tēnei, oi tali vē atu ai, “E tuli e ia nā tēmoni ki fafo auā e fōki ki ei e Pelehepulo, te takitaki o tēmoni, te pule ke ia mafaia ai.”

Mataio 17:5

Ka koi tautala vēnei atu ia Petelu, kae hau he ao pupula ma malutū ai ki lātou, ma he leo e fanaifo mai te ao e vē ifo, “Ko toku Ataliki pele tēnei, e fiafia lahi au ki ei — fakalogo ki ei!”

Mataio 18:21

Oi hau ai ia Petelu ki a Iehu kua fehili vē atu ki ei, “Te Aliki, e fakafia nei oi kō fakamāgaloa toku uho kāfai e fai pea lava e ia nā mea kino ki a te au? E fakafitu?”

Mataio 18:35

Kua fakauma te tautalaga a Iehu oi lea vē atu ai, “Ka vēnā foki lava te mea e fai e toku Tamana i te lagi ki a te koutou uma tau tokatahi, kāfai e hē kē fakamāgaloa tō uho ma te loto fakamāoni.”

Mataio 23:15

“Kae hāloa la koutou faiakoga o te Tūlāfono ma te kau Falehaio! Ko koutou ni tagata fakagutugutulua. E faimalaga koutou i luga o te moana ki te lahi o atunuku, ke koutou maua he tino e fokotahi ke fakaliliu ki te koutou talitonuga; kae kāfai e maua e koutou, ko autou akoakoga ka fakaluaina ai te faigōfie oi fano te tino tēnā ki kēna, e vē foki lava ko koutou.

Mataio 23:33

Koutou nā gata ma fānau a gata! E vēhea nei ona fakahao koutou mai te afi o kēna.

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 26:59

Oi taumafai ai nā ohitāulaga hili ma te Taupulega kātoa, ke hakili ni molimau pepelo ke mōlia ai ia Iehu, kae ke ki lātou mafaia ai oi tāmate;

Mataio 3:17

ma he leo e fanaifo mai te lagi e lea vē, “Ko toku Ataliki pele tēnei e fiafia lahi au ki ei.”

Mataio 5:34

Kae ko au e lea atu nei ki a te koutou: nahe koutou tautō kāfai e fai ni autou folafolaga. Nahe koutou tautō ki te lagi, auā ko te nofoāliki tēnā o te Atua;

Mataio 5:44

Kae ko au e lea atu nei ki a te koutou: alolofa ki nā tino e fai koutou ma o lātou fili, ma tatalo mo ki lātou e fakahāuā atu ki a te koutou,

Maleko 14:55

Oi taumafai ai nā ohitāulaga hili ma te Taupulega kātoa, ke hakili ni molimau pepelo ke mōlia ai ia Iehu, kae ke mafai ai ke tāmate e ki lātou; kae e hēki ki lātou maua he mea.

Maleko 15:1

I te taeaopō o te aho na hohoko ai na fono fakavave ai nā ohitāulaga hili ma nā toeaina, nā faiakoga o te Tūlāfono, ma te Taupulega kātoa, ma na fai ai te lātou tonu. Kua fakatonu e ki lātou ke noanoa ia Iehu ma takitaki kehe mai kinā, ma tukulima atu ki a Pilato ke fakamahino e ia.

Luka 12:5

Kae ka fakailoa atu e au ki a te koutou te tino e tatau ke mātataku ai koutou: mātataku i te Atua, auā e ia te ia te pule ke togi ai he tino ki kēna, kāfai e uma te ia tāmatea. Talitonu mai ki a te au, ko ia te tatau ke mātataku ai koutou!

Luka 22:66

Kua malama te taeao o te aho na hohoko ai, oi fono fakatahi ai ia toeaina, te kau ohitāulaga hili, ma nā faiakoga o te Tūlāfono, ma na kave ai ia Iehu ki mua o te Taupulega.

Ioane 11:47

Oi na fono ai te kau Falehaio ma nā ohitāulaga hili fakatahi ma te Taupulega, ma kua lea vē ki atu lātou, “He ā ta ki tātou ka fai? Kikila ki te lahi o nā fakailoga kua fai e te tagata tēnei!

Ioane 15:25

Ka ko te mea tēnei, na tatau lava ke tutupu kae ke taunuku ai te mea kua tūhia ia lātou Tūlāfono: ‘Kua inoino mai ki lātou ki a te au e aunoa ma he pogai.’

Ioane 7:20

Kua tali mai nā tino i te kaifenua, “Ko koe e ulufia e he tēmoni. Ko ai te taumafai ke tāmate koe?”

Ioane 8:48

Kua tali atu nā tino Iutaia ki a Iehu, “Aiheā e vē lele e hehē te mea e lea ai ki mātou, ko koe ko he Hāmālia ma e ulufia e he tēmoni?”

Gāluega 17:18

Nae i kinā ni tino o te talitonuga faka-Epikuleionu ma ni tino o te talitonuga o Hitōikō. Kua fehili vē iētahi o ki lātou, “E vēhea ake ko te mea e lea ai te tagata fiapoto tēnā?” Kua tali mai iētahi tino, “E vē lava e tautala fakatatau ki ni atua kehe.” Na lea vēnā ki lātou, ona ko Paulo nae folafola e ia e uiga ki a Iehu ma te toetū.

Gāluega 22:30

Na fia iloa tonu e te takitakikau te mea kua mōlia ai ia Paulo e nā tino Iutaia; ma i te aho alafaki, oi fakatonu ai e ia ke tatala kehe na filifili o Paulo, ma fakatonu te kau ohitāulaga hili, ma te Taupulega kātoa ke fai ha lātou fono. Oi kave ai e ia ia Paulo oi fakatū i mua o ki lātou.

Gāluega 23:1

Na kikila hako lava ia Paulo ki te Taupulega ma lea vē atu ki ei, “Te kau uho! Ko toku lotofuatia e mamā lele e tuha ai ma te ōlaga kua ola ai au i mua o te Atua, ke pa mai lava ki te aho nei.”

Gāluega 24:20

Pe lea foki lava kinā nā tino iēnei i kinei, pe ni holitūlāfono vēhea te na ki lātou fakahalagia ai au, i toku kavega ki mua o te Taupulega —

Gāluega 4:15

Oi fakatonu ai e ki lātou te toka lua ke olo ki fafo o te potu fono, kae kua kāmata oi talatalanoa lava ki lātou.

Gāluega 5:21

Na uhitaki lava ki ei te kau apohitolo, ma na olo ai i te taeaopō ki loto o te Mālumalu ma kāmata oi akoako atu ki tagata. Oi fakamāopoopo ai e te Ulu Ohitāulaga ma ona hoa te kau toeaina uma o Iutaia mo he fono a te Taupulega kātoa, ma kave ai te lātou fakatonuga ki te falepuipui ke kaumai te kau apohitolo ki o lātou mua.

Gāluega 5:27

Kua kaumai e ki lātou te kau apohitolo ki loto o te fono ma fakatutū i mua o te Taupulega, ma na lea vē atu ai ki a te ki lātou te Ulu Ohitāulaga,

Gāluega 6:12

Ko te fakakupuga tēnei na tīgā ai ia loto o tagata, nā toeaina ma nā faiakoga o te Tūlāfono. Oi puke ai e ki lātou ia Hetefano ma kave ki mua o te Taupulega.

Gāluega 6:15

Ko ki lātou uma nae i loto o te fono kua kikila lava ki a Hetefano, ma ki lātou kitea atu ai ko ona mata kua vēia ni mata e o he agelu.

Gāluega 7:37

Ko Mohe te tino na lea vē ki tagata Ihalaelu, ‘Ka uga mai e te Atua he pelofeta, e vē lava oi ia uga maia au, he tino lava mai outou tagata.’

Loma 12:10

Ke alofa tētahi ki tētahi e vē ni uho, ma tauva ke hili atu te fakaaloalo o tētahi i lo tētahi.

1 Kolinito 6:10

pe ko nā tino kaihohoa, pe manatu fakapito, pe ko nā tino konanā, pe faitala fakakino, pe ko nā tino fāomea — e hēai ni tino vēnei e fai mo ki lātou te Mālō o te Atua.

1 Kolinito 6:6

Ka ko te mea e i ei, e kave e tētahi Kelihiano tētahi uho Kelihiano ki te fakamahinoga, ma tuku atu ai ki he fakamahino e hē talitonu ki te Atua, ke ia faia te fakaikuga.

1 Tehalonia 4:6

E tuha ai la ma te matākupu tēnei, nahe i ei lele he tino e faikino pe fakavalea e ia tona uho Kelihiano. Kua uma to mātou lea atu i te mea tēnei, ma ko ki mātou e matuā lapataki atu, ko te Aliki ka ia fakahalagia nā tino e faia nā uiga iēnei.

Tito 3:2

Lea ki ei ke nahe ki lātou tautatala i ni kupu kino ki ho he tino, kae ke nonofo fīlēmū ma fealofani, ma ke fakaaloalo ki tagata uma.

Epelu 12:25

Tautuanā la ma koutou e hē koutou tetekeagia te tino tēia e tautala. Ko nā tino nae teteke ki te tino na kaumaia ki te lalolagi te fekau mai te lagi, e hēki fakahaoa. Ka hē hili atu nei la te hē mafai ona fakahaogia o ki tātou, kāfai ki tātou e teteke ki te tino e tautala hako ifo mai te lagi ki a te ki tātou?

Epelu 5:9

Na kavea ia ma auala na maua ai e nā tino uma e uhitaki ki a te ia te fakaolataga e fakavavau, i na kua uma te ia fakataunukua o nā mea uma na tuku e ia faia,

Iakopo 2:20

Kai koe te valea! E fofou koe ke fakahino atu ki a te koe ko te fakatuatua e aunoa ma ni gāluega, e hēai he aogā?

Iakopo 3:6

Ma ko te laulaufaiva e vē ko he afi. Ko he lalolagi o mea hehē, ma ko he vāega o nā itū tino o ki tātou, e ia fakakinoa o tātou tagata kātoa. E fakamū e ia o tātou ōlaga kātoa i te afi mai kēna.

1 Petelu 2:23

Na utu e tagata i nā kupu mātagā, kae e hēki tali ki ei i ni kupu mātagā; na puapuagā lahi, kae e hēki ia fakamatakua ki lātou, kae na tuku tahi lava tona fakamoemoe ki te Atua, te Fakamahino āmiotonu.

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.

1 Ioane 2:9

Ko te tino e lea ko ia e i te mālamalama kae e ita ki tona uho a Kelihiano, koi i te pōuliuli lava ia.

1 Ioane 3:10

Ko tēnei la te mea e kehekehe ai nā fānau a te Atua ma nā fānau a te Tiāpolo: ko nā tino uma e hē ki lātou faia te mea e hako pe hē alolofa ki iētahi tino, e hē ni fānau e a te Atua ki lātou.

1 Ioane 5:16

Kāfai e kē kitea hō uho e ia faia he agahala e hē iku ai ia ki te oti, e tatau koe ke tatalo ki te Atua oi fōki ai e te Atua te ola ki tō uho. Ko te mea tēnei e fakaaga ki nā tino ko a lātou agahala e hē iku ai ki lātou ki te oti. Kae e i ei te agahala e iku ai te tino ki te oti, ma ko au e hē lea atu ko koutou ke tatalo ki te Atua e uiga ki te mea tēnā.

Iuta 1:9

Ke pa foki lava ki a Mikaele, ko hētahi ia o agelu hili a te Atua, e hēki ia mafaia oi fai ni kupu mātagā vēnei. I te la fetaliakiga ma te Tiāpolo e uiga ki te tino o Mohe, e hēki fakaaogā e ia ni kupu mātagā ke fakailoa ai ki te Tiāpolo tona hehē, kae na lea vē oioti, “Ko te Aliki e ia munaiagia koe.”

Fakaaliga 20:14

Oi togi ai te Oti ma Heoli ki loto o te vaitūloto o te afi mumū. (Ko te vaitūloto tēnei o te afi, ko te oti tona lua ia.)