Mataio 5:20 - Tokelauan New Testament

²⁰ Auā e lea atu au ki a te koutou, e fātoā mafai oioti koutou ke hao atu ki te Mālō o te lagi, pe kāfai e hili atu te koutou fakamāoni i te tauhi ki nā Tūlāfono, i lo nā faiakoga o te Tūlāfono ma te kau Falehaio.

Mataio 5:20 ပူးပေါင်းရင်းမြစ်များ

Mataio 16:12

Oi na fātoā mālamalama ai te kau hoko e hē ko te fefete e fakafefete ai te falaoa tēia e lea ake ai ia Iehu ke fakaeteete ai, ka ko nā akoakoga a te kau Falehaio ma te kau Hatukaio.

Mataio 18:5

Ko ai lava he tino e ia talia he tamaiti vēnei i toku igoa, kua ia talia foki au.

Mataio 3:10

I te taimi foki lava tēnei, ko te toki kua hāuni ke ta ki lalo nā lākau i nā aka; ko nā lākau uma e hē fua mai ai ni fua lelei, e ta ki lalo oi togi ki te afi.

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Maleko 10:15

E takutino atu e au ki a te koutou, ko ai lava e hē ia talia te Mālō te Atua e vē he tamaiti, ka hē hao atu lele ia ki ei.

Maleko 10:25

E faigatā lele atu mo he tino maukoloa ke hao atu ki te Mālō o te Atua, i lo mo he kāmela ke ulu i te pu o he gila.”

Luka 11:44

Kae hāloa la koutou! Ko koutou e vēia ko nā tugamau e hēki fakailoga, ma e havavali kui luga ai ia tagata e aunoa ma te ki lātou iloa.”

Luka 12:1

I te taimi tēnā, e faitau afe ia tagata kua fakapotopoto mai ma kua tumu lele kua fakatau tūfēke; oi lea vē muamua atu ai ia Iehu ki ona hoko, “Koutou ke fakaeteete i te mea fakafefete a te kau Falehaio — te fakagutugutulua o ki lātou.

Luka 18:17

E takutino atu e au ki a te koutou, ko ai lava e hē ia talia te Mālō o te Atua e vē he tamaiti, ka hē hao atu lele ia ki ei.”

2 Kolinito 3:9

Kāfai na i ei te huhulu pupula i te mea na maua ai te fakahalaga ki te oti, ka hē hili atu nei la te uiga kehe lele atu o te huhulu pupula i te mea e maua ai te fakaolataga!

2 Kolinito 5:17

Ho he tino kua ia te ia te hokotaga ma Keliho, ko he tino fou ia; kua teka atu te mea tuai, kae kua hau te mea fou.

Filipi 3:9

ma ke kātoatoa lelei te māfutaga ma ia. E hēai he mea e mafai ke kō faia ke talia ai au i mua o te Atua, ona ko au e uhitaki ki te Tūlāfono a Mohe. Ko au e talia oioti i mua o te Atua pe kāfai au e fakatuatua ki a Keliho.

Epelu 12:14

Taumafai ke maua te fīlēmū i te va o koutou ma iētahi tino uma lele, ma taumafai oi ola e vē ko nā tino kua ofo atu o lātou tagata mo te Atua, auā e hēai he tino e mafai ke kikila ki te Aliki kāfai e hē ia faia te mea tēnei.

Fakaaliga 21:27

Kae ka hēai lele he mea e hē mamā e fakaulu ki loto o te kakai, pe he tino e fai āmio mātagā pe talapepelo. Nā ko nā tino lava e tūhia o lātou igoa i te tuhi o te ola a te Punuamāmoe, te ka mafai oi ulufale ki loto o te kakai.