Mataio 5:1 - Tokelauan New Testament

¹ Kua kitea atu e Iehu te kaifenua oi fano ai ki luga o he mauga. Kua nofo ki lalo i kinā, oi ōmamai ai nā hoko o ia ki ona tafa.

Mataio 5:1 ပူးပေါင်းရင်းမြစ်များ

Mataio 13:2

Ona ko te tokalahi o te kaifenua kua fakapotopoto fakatāmilo mai ki ona tafa, na hopo ai ki he vaka oi nofo mai ai i kinā, kae ko te kaifenua kua laulaututū ifo i te matāfaga.

Mataio 15:29

Kua tukua e Iehu ia kinā, oi fano ai kui atu fakatafatafa i te Vaitūloto ko Kalilaia. Kua fano ki luga o he mauga oi nofo ai ki lalo.

Mataio 4:25

Ma na mulimuli ki a te ia ni kaifenua e tokalahi mai Kalilaia, mai nā Kakai e Hefulu, mai Ieluhalema ma Iutea, vēnā ma te kogāfenua i tētahi itū o te Iolitana.

Mataio 5:2

Oi kāmata ai kua akoako atu e ia ki lātou:

Maleko 3:13

Kua fanake ia Iehu ki luga o he mauga, oi kalaga ai ki nā tino na fofou ia ki ei. Kua ōmamai ki lātou ki a te ia,

Maleko 3:20

Oi fano ai ia Iehu ki tona kāiga. Ka kua toe tumu atu foki ki ei te kaifenua e tokalahi kua hē maua ai he avanoa o ia ma ona hoko ke kakai ai.

Maleko 4:1

Kua toe kāmata foki oi akoako atu e Iehu ia tagata i tafa o te Vaitūloto ko Kalilaia. Ona ko te tokalahi o te kaifenua kua fakapotopoto fakatāmilo mai ki ona tafa, na hopo ai ki he vaka ma nofo mai ai i luga i te tai, ka ko te kaifenua kua laulaututū ifo i te matāfaga.

Luka 6:12

I nā aho lava iēnā, na fano ai ia Iehu ki luga o he mauga oi tatalo ai; na fano te pō kātoa e tatalo ki te Atua.

Luka 6:17

Kua fanaifo ia Iehu mai te mauga fakatahi ma te kau apohitolo, oi tū ai i he mea laugatahi ma he vāega tokalahi o ona hoko, fakatahi ma he kaifenua e tokalahi na ōmamai mai Iutea ma Ieluhalema, ma nā kakai tū matāfaga ko Tulo ma Haitonu;

Luka 6:20

Kua kikila atu ia Iehu ki ona hoko, oi lea atu ai vēnei ki ei, “Amutia koutou nā tino e mātitiva; auā e o koutou te Mālō o te Atua!

Luka 9:28

Kua kātoa te valu o aho talu te lea atu o Iehu i nā mea iēnei, oi kave ai e ia ia Petelu, ma Ioane ma Iakopo, kua olo fakatahi ma ia ki luga o he mauga, ke tatalo ai.

Ioane 6:15

Kua hāfia e Iehu ko nā tino ka ōmamai oi kave fakamālohi ia ke fai ma o lātou tupu; oi toe fano kehe ai, kua fano tautahi ki luga o he mauga.