Mataio 4:18 - Tokelauan New Testament

¹⁸ E havali atu ia Iehu i tafa o te Vaitūloto ko Kalilaia kae ia kitea atu he kau uho e toka lua, ko Himona (ko tētahi ona igoa ko Petelu) ma tona uho ko Anitelea, e togi to lā kupega i te vai; auā ko ki lāua ni tino faifaiva.

Mataio 4:18 ပူးပေါင်းရင်းမြစ်များ

Mataio 10:2

Ko nā igoa iēnei o nā apohitolo e toka hefululua: muamua, ko Himona (ko tētahi ona igoa ko Petelu) ma tona uho ko Anitelea; ko Iakopo ma Ioane nā ataliki o Hepetaio;

Mataio 15:29

Kua tukua e Iehu ia kinā, oi fano ai kui atu fakatafatafa i te Vaitūloto ko Kalilaia. Kua fano ki luga o he mauga oi nofo ai ki lalo.

Mataio 16:18

Ko au la e lea atu ki a te koe, Petelu; ko koe he papa, i luga o te papa tēnei ka fakatū ai taku Ekalehia, ma e pa lava ki te mālohi o te oti e hē mafai e ia oi fakaumatia.

Mataio 4:19

Kua vāgana atu ia Iehu ki a te ki lāua, “Mulimuli mai ki a te au oi fakaako atu ai koulua e au, ke fai ma tino faifaiva ke maua ai ia tagata.”

Maleko 7:31

Na tukua e Iehu te kogāfenua o Tulo, kae toe foki ki te Vaitūloto ko Kalilaia kui atu i Haitonu ma nā kogāfenua o nā Kakai e Hefulu.

Luka 6:14

ko Himona (na ia fakaigoa ki a Petelu), ma tona uho ko Anitelea; ko Iakopo ma Ioane, ko Filipo ma Patolomaio,

Ioane 21:1

Kua uma atu te mea iēnei, oi toe fakailoa ai ia Iehu ki ona hoko i te matāfaga o te Vaitūloto ko Tipelia. E vēnei te auala na fakailoa ai ia ki a te ki lātou.

Ioane 6:1

Kua uma atu te mea tēnei, oi fano ai ia Iehu ki tētahi itū o te Vaitūloto ko Kalilaia (ko Tipelia tētahi ona igoa).

Ioane 6:8

Kua lea atu foki ki a Iehu tētahi o te kau hoko, ko Anitelea te uho o Himona Petelu, kua vē atu,