Mataio 4:12 - Tokelauan New Testament

¹² I te lagonaga e Iehu ko Ioane kua kave ki te falepuipui, oi fano ai ki Kalilaia.

Mataio 4:12 ပူးပေါင်းရင်းမြစ်များ

Mataio 11:2

I te lagonaga e Ioane te Papatiho i loto o te fale puipui nā mea kua fai e Keliho, oi uga ai e ia iētahi o nā hoko o ia ke fehili ki a Iehu.

Mataio 14:3

Auā na fakatonu e Helota ke puke fakapagotā ia Ioane ma noanoa, oi togi ai ki loto o te falepuipui. Na fai e ia te mea tēnei mo Helotia te āvaga a tona uho ko Filipo,

Maleko 1:14

Kua i te falepuipui ia Ioane, kae fanatu ia Iehu ki Kalilaia oi tālaki atu te Tala Lelei mai te Atua.

Maleko 6:17

Auā na fakatonu e Helota ke puke fakapagotā ia Ioane ma noanoa i loto o te falepuipui. Na fai e ia te mea tēnei ona ko Helotia te āvaga a tona uho ko Filipo, kua fai ma ana āvaga.

Luka 23:5

Kae kua fakaatili ai to lātou fīnau ma vē mai, “Kua fakaaogā e ia ana akoakoga, ke fakatupu ai te vevehi o tagata i Iutea kātoa. Na kāmata mai i Kalilaia, ma kua pa mai lava ki kinei.”

Luka 3:20

Oi fai ai e Helota he mea e hili atu te kino i lo iētahi mea kino na kua ia faia, kua fakatonu e ia ke togi ia Ioane ki te falepuipui.

Luka 4:14

Oi toe foki ai ia Iehu ki Kalilaia, ma nae fakatahi ma ia, te mana o te Agaga Paia. Kua halalau foki te tala e uiga ki a te ia, ki te kogāfenua kātoa tēnā.

Luka 4:31

Oi fano ai ia Iehu ki Kapenaumi, he kakai i Kalilaia, ma akoako atu ki tagata i te Hāpati.

Ioane 1:43

I te aho alafaki, na tonu ai ia Iehu ko ia ka fano ki Kalilaia. Na maua e ia ia Filipo, oi lea vē atu ai ki ei, “Mulimuli mai ki a te au.”

Ioane 2:11

Ko te fakailoga muamua tēnei na fai e Iehu, i Kana i Kalilaia; ko kinā na ia fakaalia ai tona mamalu, ma na talitonu ai ki a te ia ona hoko.

Ioane 3:24

Ko nā mea iēnei nae fai e Ioane, ka ko hēki falepuipui ai.

Ioane 4:43

Kua kātoa nā aho e lua o Iehu i kinā, oi fano ai ki Kalilaia.

Ioane 4:54

Ko te lua tēnei o fakailoga na fai e Iehu, i te fanaifoga mai Iutea ki Kalilaia.