Mataio 4:10 - Tokelauan New Testament

¹⁰ Oi tali mai ai ia Iehu, “Hātani, fano kehe! E lea mai te tuhituhiga paia, ‘Ifo atu ki te Aliki tō Atua ma kaukauna oioti ki a te ia!’ ”

Mataio 4:10 ပူးပေါင်းရင်းမြစ်များ

Mataio 16:23

Kae kua māfuli atu ia Iehu ki ona tua ma lea vē atu ki a Petelu, “Hātani, fano kehe koe ma au! Ko koe kua fai ma fakalavelave ki a te au, auā ko ō manatu e hē mai te Atua, kae ni manatu fakatetagata.”

Maleko 1:13

Oi nofo ai i te vao i nā aho e fagafulu, ma fakaohooho ai e Hātani. Nae i ei foki nā manu fēkakai i kinā, ka ko Iehu nae tauhi e nā agelu.

Luka 10:18

Kua tali atu ia Iehu, “Na kō kitea te pakū ifoga o Hātani mai te lagi e vē ko te napa a te uila.

Luka 11:18

Kāfai la te mālō o Hātani e fevaevaeaki ma tauai miha lava ki lātou, e vēhea la ona mafai ke tūmau? E lea koutou e mafai ke tuli e au nā tēmoni ki fafo ona e fōki mai e Pelehepulo te pule kia te au.

Luka 13:16

Ka ko te lāpuna tēnei o Apelaamo, kua kātoa te hefulu valu tauhaga e noanoatia e Hātani; e hē tatau nei ke tatala i te Hāpati?”

Luka 22:3

Oi ulufia ai e Hātani te loto o Iuta te Ihikaliota, he tino o te kau hoko e toka hefululua.

Luka 22:31

“Himona, Himona! Kikila, kua ia Hātani te fakatagaga mai te Atua ke ia tofotofoa ai koutou uma, ma tuku kehekehe nā tino lelei mai nā tino kino, e vē oi tuku kehekehe e te faifatoaga te haito mai te atigi haito.

Luka 4:8

Kua tali mai ia Iehu, “E lea mai te tuhituhiga paia, ‘Ifo atu ki te Aliki tō Atua, ma kaukauna oioti ki a te ia!’ ”

Ioane 13:27

Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”

Gāluega 26:18

Ka fakapupula e koe o lātou mata ma liliu kehe ki lātou mai te pōuliuli ki te mālamalama, mai te pule a Hātani ki te pule a te Atua, kae ke kavea ai to lātou fakatuatua mai ki a te au ma mea ka fakamāgalo ai a lātou agahala, ma kavea ai ki lātou ma vāega o tagata kua filifilia e te Atua.’

Gāluega 5:3

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua?

1 Kolinito 5:5

ke tukulima atu e koutou te tamāloa ki a Hātani ke ia fakaumatiagia ia i te fakatetino, kae ke hao ai tona agaga i te Aho o te Aliki.

1 Kolinito 7:5

Nahe tetekea e tētahi tētahi, vaganā ai e mālilie muamua koulua ke fai vēnā mo he vāitaimi, kae ke mafai ai ke fakafano houlua taimi i te tatalo; oi kua toe kāmata ai nā hokotaga fakaulugālī. I te auala tēnei, ka hē mafai ai koutou ke fakaohoohogia e Hātani ona kua hē ia te koutou te loto onohai.

2 Kolinito 11:14

Ma e hetioa, auā e pa foki lava ki a Hātani, e ia fakahehēa ia tagata ke vēakē ko ia ko he agelu huhulu pupula!

2 Kolinito 12:7

Kae ke tāofiofi ai au ke nahe hona mimita ona ko te lahi o nā mea mānanaia na kitea e au, na tuku mai ai ki toku tino he tauale tīgāina, ke galue e vē he kavefekau e a Hātani, ke fai ma fakahoehā ma ke nahe hona fiafia ai au.

2 Kolinito 2:11

kae ke nahe mafai ai ia Hātani ke manumālō ia te ki tātou; auā kua ki tātou iloa lelei ana fuafuaga.

Iakopo 4:7

Ko te mea ia, e tatau koutou ke uhiuhitaki lelei ki te Atua. Teteke atu ki te Tiāpolo, oi ka hola kehe ai ia ma koutou.

1 Petelu 5:9

Ke mautū te koutou fakatuatua ma teteke ki ei, auā e koutou iloa ko nā uho Kelihiano o koutou i te lalolagi kātoa, e maua foki i nā puapuagā e vē ko koutou.