Mataio 3:15 - Tokelauan New Testament

¹⁵ Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Mataio 3:15 ပူးပေါင်းရင်းမြစ်များ

Mataio 3:14

Kae kua taumafai ia Ioane ke teteke ki ei, ma na lea vē atu ai ki a Iehu, “Ko au te tatau ke papatiho e koe, kae ko koe kua hau ke papatiho koe e au!”

Luka 1:6

Nae ola ki lāua i he ōlaga e tonu i te kikila a te Atua, ma nae tauhihi lelei ki nā tūlāfono ma nā fakatonuga a te Aliki.

Ioane 13:15

Kua kō faia he fakatakitakiga mo koutou, kae ke fai ai foki e koutou, e vē lava oi fai e au mo koutou.

Ioane 15:10

Kāfai koutou e uhitaki ki nā mea e fakatonu atu ai koutou e au, ka tūmau foki koutou i toku alofa, e vē lava ona uhitaki au ki nā mea e fakatonu mai e te Tamana, ma tūmau ai au i tona alofa.

Ioane 4:34

Kua lea atu ia Iehu ki a te ki lātou, “Ko taku meakai, ko te uhitaki ki te mea e fofou ki ei te Atua, ma te fakataunukuga o te gāluega na ia tuku maia ki a te au ke fai.

Ioane 8:29

Ma ko tē na ia uga maia au, e fakatahi ma au; e hē ia tukuagia au tautahi, auā e kō faia pea lava nā mea e fiafia ia ki ei.”

Epelu 7:26

Ko Iehu la ko te Ulu Ohitāulaga e maua ai e ki tātou te fehoahoani i ho he mea e fofou ki tātou ki ei. E lelei lava ia i te kikila a te Atua, e hēai hona hehē pe he agahala; kua tuku kehe ia mai tagata agahala ma hiki ake e te Atua ki te lagi.

1 Ioane 2:6

ko te tino la e lea ko ia e tūmau i te māfutaga ma te Atua, e tatau ke fakatakitaki ki nā mea nae fai e Iehu Keliho.