Mataio 3:14 - Tokelauan New Testament

¹⁴ Kae kua taumafai ia Ioane ke teteke ki ei, ma na lea vē atu ai ki a Iehu, “Ko au te tatau ke papatiho e koe, kae ko koe kua hau ke papatiho koe e au!”

Mataio 3:14 ပူးပေါင်းရင်းမြစ်များ

Mataio 3:13

Ko te taimi tēnā na pa ifo ai ia Iehu mai Kalilaia, ma na fano ai ki te vaitafe ko te Iolitana ke papatiho ia e Ioane.

Mataio 3:15

Kae kua tali mai ia Iehu, “Fai vēia ko mo te taimi nei, kae ke fakatino ai nā mea uma kua finagalo ki ei te Atua.” Oi malie ai ki ei ia Ioane.

Luka 1:43

Ko ai nei kita, kua āhiāhi mai ai te mātua o toku Aliki ki a au?

Ioane 1:16

Ona ko te lahi o tona alofa tūnoa, kua fakamanuia ai ki tātou uma e ia, ma maua ai e ki tātou nā fakamanuiaga hautualahi.

Loma 1:13

Oku uho, ko au e fofou ke koutou iloa, e lahi lele nā taimi nae fia fanatu ai au oi āhi atu koutou, kae ko hēki maua lele he avanoa. Ko au e fofou ke kō maua ni tino ia te koutou mo Keliho Iehu, e vē oi kō maua i iētahi tagata nukukehe.

Loma 3:23

Ko ki tātou uma lele kua agahala, ma kua hē ki tātou mafaia ai oi fakailoa atu te mamalu o te Atua.

Loma 3:25

Na ofo atu ia e te Atua kae ke kavea ai tona toto ma auala e fakamāgalo ai ia agahala a tagata, e ala i to lātou fakatuatua ki a te ia. Na fai e te Atua te mea tēnei ke fakakitea ai ko ia e āmiotonu. I nā aho kua teka, ko te Atua nae onohai ma ko te ala ia na hēki fia mātau ai e ia nā agahala a tagata; kae i nā aho nei, kua mātau e ia kae ke fakakitea ai tona āmiotonu. I te faiga tēnei, kua fakaalia ai e te Atua lava ia, ko ia e āmiotonu ma e ia fakaleleia te va o tagata uma ma ia.

Kalatia 3:22

Kae ko te tuhituhiga paia e leamai ko tagata uma o te lalolagi kua i lalo o te pule a te agahala; ma ko te meaalofa la tēia kua folafola e ala i te fakatuatua ki a Iehu Keliho, e fōki ki a te ki lātou e talitonu.

Kalatia 4:6

Ona ko koutou ni fānau e a te Atua, na ia uga maia ai te Agaga o tona Ataliki ki o tātou loto, te Agaga tēia na kalaga vē, “Te Tamana, toku Tamana!”

Epelu 7:23

E i ei tētahi kehekehega: nae tokalahi lele atu iētahi ohitāulaga ona nae feoti ma hē mafai ai ke fakaauau a lātou gāluega.