Mataio 28:10 - Tokelauan New Testament

¹⁰ Kua vāgana atu ia Iehu, “Koulua nahe mātataku. Olo oi lea ki oku uho ke olo ki Kalilaia, ma ka ki lātou kitea au i kinā.”

Mataio 28:10 ပူးပေါင်းရင်းမြစ်များ

Mataio 14:27

I te taimi lava tēnā, na vāgana mai ai ia Iehu ki a te ki lātou, kua vē mai, “Fakamākeke! Ko au tēnei. Koutou nahe mātataku!”

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 25:45

Ka tali vē atu te Tupu ki ei, ‘E takutino atu e au ki a te koutou: ho he taimi lava e hēki fehoahoani ai koutou ki hētahi o ki lātou nei e pito hili te fakaalofa, e hēki fehoahoani mai koutou ki a te au.’

Mataio 26:32

Kae kāfai e uma te fakataunukuga o toku toetū mai te oti, ko au ka fano muamua ia te koutou, ki Kalilaia.”

Mataio 28:16

Kua olo nā hoko e toka hefulutahi ki te mauga i Kalilaia, ki te mea na poloaki ai ia Iehu ke olo ki ei.

Mataio 28:5

Oi lea atu ai te agelu ki nā fafine, “Koulua nahe mātataku. E iloa e au ko Iehu tēia na fakahātaulo, ta koulua e hakili.

Mataio 28:7

Olo vave loa nei oi taku ki ona hoko, ‘Kua toe tū mai ia i te oti, ma ko ia e muamua atu ia te koutou ki Kalilaia; ka koutou kitea ia i kinā.’ Koulua e hē puli i te mea kua lea atu ai au ki a te koulua.”

Mataio 28:9

Kae nā lava e teki kua fetaui ki lāua ma Iehu, oi vāgana atu ai ia Iehu, “Ke ia te koulua te fīlēmū.” Oi olo ai ki lāua ki a Iehu, kua paki ki ona vae ma ifo atu ki a te ia.

Maleko 16:7

Olo loa oi fai te fekau tēnei ki ona hoko ma Petelu: ‘Ko ia e muamua atu ia te koutou ki Kalilaia; ka koutou kitea ia i kinā, e vē lava ko te mea na lea atu ai ki a te koutou.’ ”

Ioane 20:17

Kua vāgana atu ia Iehu ki a Malia “Koe nahe paki mai ki a te au, auā ko au ko hēki fanake ki toku Tamana. Kae fano ki nā uho o oku oi lea ki ei, ko au ka fanake ki toku Tamana ma te koutou Tamana, ki toku Atua ma te koutou Atua.”

Ioane 6:20

“Koutou nahe mātataku, ko au tēnei,” kua lea vēnā mai ia Iehu ki ona hoko.

Loma 8:29

Ko ki lātou kua uma te filifilia e te Atua, kua uma foki te tōfia e ia muamua ke kavea ke vē ko tona Ataliki, kae ke kavea ai te Ataliki e vē ko te ulumatua i he kau uho tokatahi.