Mataio 27:66 - Tokelauan New Testament

⁶⁶ Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.

Mataio 27:66 ပူးပေါင်းရင်းမြစ်များ

Mataio 27:60

ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa.

Mataio 27:65

Oi lea atu ai ia Pilato ki a te ki lātou, “Kave ni fitafita ma olo oi fai te mea e koutou iloa, e malu lelei ai te puipuiga o te tugamau.”

Mataio 28:11

Kua olo kehe nā fafine, ka ko iētahi o nā fitafita nae leoleoa te tugamau, kua olo ki te kakai oi taku ki nā ohitāulaga hili nā mea uma na tutupu.

Mataio 28:2

Kae teki lava kua to te mafuie lahi; kua fanaifo he agelu a te Aliki mai te lagi, kua fēke kehe te fatupae ma nofo ai i luga.

Ioane 20:1

I te taeaopō o te aho Hā ka koi pōuli, na fano ai ia Malia te Makatala ki te tugamau, ma na ia kitea ai ko te fatupae nae pupuni ai kua kave kehe.

2 Timoteo 2:19

Kae ko te fakavae mautū na fai e te Atua, e hē māluelue; ma e tuhi i luga nā kupu iēnei: “E iloa e te Aliki nā tino o ia” ma “Ko nā tino e lea ko ki lātou e a te Aliki, e tatau ke liliu kehe mai a lātou āmio hehē.”

Fakaaliga 20:3

Kua togi e te agelu ia Hātani ki loto o te lua e hēai he gataga o tona loloto, ma loka ma fakamau te faitotoka ki te lua. I kinā e tatau ke nofo ai ia Hātani ke kātoa he afe tauhaga, ma i te taimi tēnei e hē ia toe mafaia oi fakahehē ia tagata i te lalolagi kātoa. Kāfai e kātoa te afe tauhaga, e tatau ke fakahaoloto mo hina taimi.