Mataio 27:60 - Tokelauan New Testament

⁶⁰ ma tuku ki loto o te tugamau na fātoā uma te keli ki loto o he itū-mauga papa mo ia lava, ma ko hēki fakaaogā lele. Oi fuli ai e ia he fatupae lahi, kua pupuni ai te gutu o te tugamau, oi fano kehe ai loa.

Mataio 27:60 ပူးပေါင်းရင်းမြစ်များ

Mataio 27:59

Oi kave ai e Iohefa te tino o Iehu, kua āfīfī i he kie vavae mamā,

Mataio 27:66

Oi olo ai loa kua fakamau lelei te fatu e tapuni ai te tugamau ma fakapipiki ki ei te fakailoga e fakahā ai he tino e tago ki ei, ma tuku ai nā fitafita ke leoleoa.

Mataio 28:2

Kae teki lava kua to te mafuie lahi; kua fanaifo he agelu a te Aliki mai te lagi, kua fēke kehe te fatupae ma nofo ai i luga.

Luka 24:2

Na maua atu e ki lātou, ko te fatupae nae i te faitotoka o te tugamau, kua fuli kehe,

Ioane 11:38

Na toe lagona e Iehu te loto tīgā lahi, oi fano ai ki te tugamau; ko te tugamau ko he ana, ma e i ei he fatu e tapuni ai te faitotoka.

Ioane 11:41

Oi kave kehe ai e ki lātou te fatu. Kua kikila ake ia Iehu ki te lagi ma vē ake, “Te Tamana, ko au e fakafetai atu ki a te koe, auā kua kē lagona mai au.

Ioane 19:41

E i ei te togālākau nae i te mea na fakahātaulo ai ia Iehu, ma nae i kinā he tugamau fou e hēki fakaaogāgia lele.

Ioane 20:1

I te taeaopō o te aho Hā ka koi pōuli, na fano ai ia Malia te Makatala ki te tugamau, ma na ia kitea ai ko te fatupae nae pupuni ai kua kave kehe.