Mataio 27:54 - Tokelauan New Testament

⁵⁴ I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Mataio 27:54 ပူးပေါင်းရင်းမြစ်များ

Mataio 26:63

Kae ko Iehu kua hē kīkī lele. Oi toe fehili atu ai ki ei te Ulu Ohitāulaga, “Ko au e lea atu nei ki a te koe i te igoa o te Atua ola, taku mai ki a te ki mātou te meamoni: ko koe moni ko te Mehia, te Ataliki o te Atua?”

Mataio 27:36

Kua uma te mea tēnā, oi nonofo ai lava i kinā, oi leoleo ia Iehu.

Mataio 27:40

Kua lea vē atu ki lātou, “Ko koe tēnā na lea e kē talepea ki lalo te Mālumalu, oi toe fakatū ai i nā aho e tolu? Fakaola lava la koe e koe. Kāfai ko koe ko te Ataliki o te Atua, fanaifo la ki lalo o te hātaulo!”

Mataio 27:43

E talitonu ki te Atua ma lea ko ia ko te Ataliki o te Atua. Tātou kikila la pe i na fofou te Atua ke fakaola ki a te ia i te taimi nei!”

Mataio 27:51

Oi haelua ai te kie pupuni i loto o te Mālumalu, mai luga ke pa ki lalo. Kua lūlū foki te kelekele ma māvaevae nā papa,

Mataio 4:3

Oi hau ai te Tiāpolo kua lea vē atu ki a Iehu, “Kāfai ko koe te Ataliki o te Atua, fakatonu la nā fatu iēnei ke liu ma falaoa.”

Mataio 8:5

Kua fanatu ia Iehu ki Kapenaumi, oi fakafetaui mai ai ki ei he takitakikau Loma ma fakatagi ki ei mo he fehoahoani;

Maleko 15:39

Ko te takitakikau o te toka helau nae tū i mua o te hātaulo, ma na ia te kitea te otiga o Iehu, oi lea vē ai, “E hako lava, ko te tagata tēnei ko te Ataliki o te Atua!”

Luka 22:70

Kua lea mai uma ki lātou, “Ko koe la ko te Ataliki o te Atua?” Kua tali atu ia Iehu, “E hako lava te mea e lea ai koutou — ko au.”

Ioane 19:7

Kua tali mai nā tino Iutaia, “E tuha ai ma te mātou tūlāfono, ko te tagata tēnei e tatau tāmate, auā kua fai tana fakamatalaga ko ia ko te Ataliki o te Atua.”

Gāluega 10:1

Nae i ei he taulelea i Kaihaleia e igoa ki a Konelio, he takitaki o he tokahelau fitafita i te vaegākau a Loma e takua ko te “Vaegākau mai Italia.”

Gāluega 2:37

Na tuia lahi lele nā loto o tagata i te fakalogo atuga ki te mea tēnei, oi na lea vē atu ai ki lātou ki a Petelu ma iētahi apohitolo, “O mātou uho, he ā nei ta ki mātou ka fai?”

Gāluega 21:32

Na kave loa lava e te takitakikau ni fitafita ma ni ofiha i te taimi tēnā, ma fetutuli ki te mea e i ei kaifenua. I te kitea maiga e te kaifenua te takitakikau ma nā fitafita, oi na tāofi ai loa te kiniga o Paulo.

Gāluega 23:17

Oi kalaga ai ia Paulo ki hētahi o nā ofiha ma lea vē atu ki ei, “Kave te taumalo tēnei ki te takitakikau; e i ei te mea e fia lea ai ki ei.”

Gāluega 23:23

Oi fekau ai e te takitakikau nā tino ofiha a ia ma lea vē ai ki ei, “Hāuni ni fitafita e toka lua helau ke olo ki Kaihaleia fakatahi ai ma ni fitafita tiketike holofanua e toka fitu hefulu, ma he luahelau fitafita e fakakaukupega i nā tao, ma hāuni ke teka kehe i te iva i te pō nei.

Gāluega 27:1

I te tonuga ko ki mātou e tatau ke folau ki Italia, oi tuku atu ai e ki lātou ia Paulo ma iētahi pagotā ki te kikilaga a Iulio, he takitaki o he vaegākau Loma tokalahi e fakaigoa “Ko te Vaegākau a te Kaihala.”

Gāluega 27:43

Kae na fofou te takitaki o te vaegākau ke fakahao ia Paulo, oi na ia tāofia ai te lātou tonu na fai. Ka kua fakatonu e ia nā taulelea uma e iloa kakau ke tūtaoho muamua ki te tai oi kakau ki gāuta;

Fakaaliga 11:13

I te taimi lava tēnā na tō ai he mafuie lahi; na fakakino ai te tahi vae hefulu o te kakai, ma e fitu afe ia tagata na feoti ai. Ko nā tino na hao, na mātataku lahi lele ma na viviki ake ai ki te Atua o te lagi.