Mataio 27:45 - Tokelauan New Testament

⁴⁵ Kua ta te itūlā e hefululua i te aoauli, oi pōulitia uma ai te lau fenua kātoa ke pa ki te tolu i te afiafi.

Mataio 27:45 ပူးပေါင်းရင်းမြစ်များ

Maleko 15:25

Ko te iva i te taeao na ki lātou fakahātauloa ai ia Iehu.

Ioane 19:14

I te taimi tēnā, kua fakalata lele ki te vaeluaga o te aho e hohoko ki ei te Pāheka. Oi lea atu ai ia Pilato ki nā tino Iutaia, “Ko te tupu tēnei o koutou!”

Gāluega 3:1

I tētahi aho na olo ai ia Petelu ma Ioane ki te Mālumalu i te tolu i te afiafi, ko te itūaho ia e fai talohaga ai ia tagata.

Fakaaliga 8:12

Kua ili te pu a te fa o agelu, ma na fetā ai ma he mea te tahi vaetolu o te la, te tahi vaetolu o te māhina, ma te tahi vaetolu o nā fetu, ma na pōulitia ai te tahi vaetolu o te mumū o ki lātou; ma kua hēai he mālamalama i te tahi vaetolu o te aho ma vēnā foki te tahi vaetolu o te pō

Fakaaliga 9:2

Kua tatala e te fetu te faitotoka ki te lua e hēai he gataga o tona loloto, oi fanake ai ki luga te ahu e vē he ahu e hau mai he mea tafu afi lahi; ma ko te la vēnā ma te ea, kua pōulitia i te ahu mai te lua e hēai he gataga o tona loloto.