Mataio 27:35 - Tokelauan New Testament

³⁵ Kua fakahātaulo e ki lātou ia Iehu, oi fai ai te lātou vili ke iloa ai te mea kofu o Iehu e maua e te tino.

Mataio 27:35 ပူးပေါင်းရင်းမြစ်များ

Luka 23:34

Oi lea vē ake ai ia Iehu, “Te Tamana, fakamāgalo atu ko ki a te ki lātou, auā e hē ki lātou iloa te lātou mea kua fai.” Oi fai ai te lātou vili ke iloa ai te mea kofu o Iehu e maua e te tino.

Ioane 20:20

Kua uma te vāgana vēnei atu o Iehu, oi fakaali ai ki a te ki lātou ona lima ma tona itū. Na fakatumulia te hau hoko i te fiafia i te kiteaga e ki lātou o te Aliki.

Ioane 20:25

Oi taku ai ki ei e iētahi o te kau hoko, kua vē atu ki ei, “Kua kitea e ki mātou te Aliki!” Kua lea atu ia Toma ki a te ki lātou, “Kāfai au e hē kikila ki nā māila o nā fao i ona lima ma tuku ki ei toku muamuālima, ma tuku toku lima ki tona itū, e hē mafai au ke talitonu.”

Ioane 20:27

Oi vāgana atu ai ki a Toma, “Tuku mai tō muamuālima ki eī, ma kikila ki oku lima; papae mai tō lima ki te māila i toku itū. Ia koe la nahe toe māhalohalo, kae talitonu.”

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

Gāluega 4:10

e tatau foki la ke iloa e koutou uma vēnā ma tagata uma o Ihalaelu, ko te tino tēnei e koutou kitea mai, kua fakamālōlōgia kātoa i te mana o te igoa o Iehu Keliho te Nahaleta — tē na koutou fakahātauloagia ma na toe fakatū mai te oti e te Atua.