3 Kua iloa e Iuta te fakalata ko Iehu kua fakahala, oi lagona ai e ia tona halamō lahi, ma fano ai kua toe fakafoki nā tupe hiliva e toluhefulu ki nā ohitāulaga hili ma te kau toeaina.
I te taimi tēnā ko Iehu ma ona hoko nae fai te lātou katiga o te afiafi. Kua uma ai foki te galuegia e te Tiāpolo te loto o Iuta te ataliki o Himona Ihikaliota, ke fakalata e ia ia Iehu.
Ko te taimi na tago ai ia Iuta ki te mea falaoa, ko te taimi foki tēnā na ulu ai ia Hātani ki a te ia. Kua lea atu ki ei ia Iehu, “Fai vave loa tau mea e tatau ke fai!”
Oi fano ai ia Iuta ki te fatoaga ma kave he vāega o ni fitafita Loma fakatahi ma ni leoleo o te Mālumalu, na uga e nā ohitāulaga hili ma te kau Falehaio. Na kave a lātou meatau ma a lātou mōlī matagi ma nā mōlī lama.
(Ko te tupe na maua e Iuta mai tana gāluega kino na fai, na ia fakataua ai he fenua, ma ko kinā te na pakū ai ki lalo ma uma ai tona ola; na gapā tona manava oi holo ai ki fafo.
Auā ko te fakanoanoa e fakaaogā e te Atua, e maua ai te loto halamō ma takitaki ai ki te fakaolataga — e hēai la he mea e tatau ke hē fiafia tauanoa ai, i he mea vēnei. Kae ko te fakanoanoa tēia e fakaaogā e te lalolagi, e maua ai te oti.