Mataio 27:24 - Tokelauan New Testament

²⁴ I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”

Mataio 27:24 ပူးပေါင်းရင်းမြစ်များ

Mataio 26:5

Kua lea vē ki lātou, “E hē tatau ke fai e tātou te mea tēnei i te taimi o te Pāheka, auā e i na ka fakatupu ai he vevehi lahi o tagata.”

Mataio 27:19

Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Mataio 27:23

Kae kua fehili atu ia Pilato, “Aiheā, ko he holitūlāfono ā ta ia kua fai?” Oi kāmata ai taukalalaga leo lahi ki lātou: “Fakahātaulo te tino tēnā!”

Mataio 27:4

Kua lea vē atu ia Iuta, “Ko au kua agahala ona kua kō fakalatagia he tino e hēai hana agahala, ma ka oti tauanoa ai ia.” Kua tali mai ki lātou, “E hēai lele he mātou fekau ki ei. Faitalia lava koe ma te mea tēnā.”

Mataio 27:54

I te kiteaga e te takitakikau o te toka helau fakatahi ma nā fitafita nae ki lātou leoleoa ia Iehu, te mafuie ma iētahi mea na tutupu, oi na ofo lele ai ki lātou ma lea vē, “E hako lava, ko ia tēnei ko te Ataliki o te Atua.”

Mataio 27:9

Oi na taunuku ai te kupu a te pelofeta ko Ielemia na lea ai vē, “Na kave e ki lātou nā tupe hiliva e tolu hefulu, te tau o tē na fuafua tona tau i te māliliega a iētahi o tagata o Ihalaelu,

Ioane 13:9

Kua tali mai ia Himona Petelu, “Te Aliki, nahe fulufulua la nā ko oku vae. Fulufulu foki ma oku lima ma toku ulu!”

Ioane 19:4

Kua toe fano ia Pilato ki fafo ma lea vē atu ki tagata Iutaia, “Kikila, ka fakatonu e au ke kaumai ia Iehu ki fafo ki a te koutou, ke iloa ai e koutou, e hēai he mea e kitea e au e tatau ai ke fakahala.”

Gāluega 3:14

Ko Iehu nae paia ma lelei, kae na teteke koutou ki a te ia ma lea koutou ki a Pilato ke tatala ma fakahaoloto te tino tāmate tino.

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,