Mataio 27:22 - Tokelauan New Testament

²² “Ko he ā la te tatau ke kō faia ki a Iehu, tēia e takua ko te Mehia?” kua fehili vēnā atu ia Pilato. Kua tali mai ki lātou, “Fakahātaulo te tino tēnā!”

Mataio 27:22 ပူးပေါင်းရင်းမြစ်များ

Mataio 1:16

ko Iakopo te tamana o Iohefa te āvaga a Malia, te mātua o Iehu, tē kua fakaigoa ko te Mehia.

Mataio 27:17

Kua maopoopo mai te kaifenua, oi fehili atu ai ki ei ia Pilato, “Ko ai te fofou koutou ke kō tatala fakahaolotoa mo koutou? Ko Palapa pe ko Iehu, tē e takua ko te Mehia?”

Mataio 27:21

Kua fehili atu ia Pilato ki te kaifenua, “Ko ai o te toka lua tēnei e fofou koutou ke kō tatala atua mo koutou?” Kua tali mai ki lātou, “Ko Palapa,”

Mataio 27:23

Kae kua fehili atu ia Pilato, “Aiheā, ko he holitūlāfono ā ta ia kua fai?” Oi kāmata ai taukalalaga leo lahi ki lātou: “Fakahātaulo te tino tēnā!”

Maleko 14:55

Oi taumafai ai nā ohitāulaga hili ma te Taupulega kātoa, ke hakili ni molimau pepelo ke mōlia ai ia Iehu, kae ke mafai ai ke tāmate e ki lātou; kae e hēki ki lātou maua he mea.

Ioane 4:25

Kua lea mai te fafine, “E iloa e au ko te Mehia e hau. E fakaigoa e ki mātou ko Keliho. Kāfai e hau, ka ia fakailoa maia ki a te ki tātou nā mea uma lele.”

Gāluega 13:28

Ma e ui lava e hēki ki lātou maua he mea na tatau ke fakahala ai ia Iehu i te oti, kae na lea lava ki a Pilato ke tāmate ia Iehu.

Gāluega 13:38

Te kau uho, ko au e fofou ke koutou iloa ko te fekau e uiga ki te fakamāgaloga o agahala, e folafola atu ki a te koutou e ala ia Iehu; ma ko ki lātou uma e talitonu ki a te ia, e fakahaoloto mai nā agahala uma e hē mafai e te Tūlāfono a Mohe oi fakahaoloto mai ai koutou.