Mataio 27:2 - Tokelauan New Testament

² Oi fakatonu ai e ki lātou ke noanoa ia Iehu ma takitaki kehe mai kinā, ma tukulima atu ki a Pilato te kōvana Loma, ke fakamahino e ia.

Mataio 27:2 ပူးပေါင်းရင်းမြစ်များ

Mataio 20:19

ma tukulima atu ki tagata nukukehe ke ki lātou tauemua, ma kini, ma fakahātaulo; ma ka toe fakatū mai ai i te oti, i tona tolu o aho.”

Mataio 28:14

Ma kāfai e iloa e Pilato te mea kua tupu, e ki mātou mafaia oi fakamalie ki ei, ma e hēai lele he mea e tatau ke popole ai koutou.”

Luka 13:1

Nae i ei ni tino nae i kinā i te taimi tēnā, na ki lātou takua ki a Iehu e uiga ki nā tino Kalilaia na fakamaligi o lātou toto e Pilato, ka koi ofo atu a lātou tāulaga mu ki te Atua.

Luka 20:20

Oi tau hakilikili ai loa e ki lātou he avanoa ke puke ai e ki lātou ia Iehu. Kua totogi e ki lātou ni tamāloa ke faia ni fehili fakatagāfai ki a Iehu, kae ke puke ai e ki lātou ma tukulima atu ki te pule a te Kōvana Loma.

Luka 23:1

Na tutū uma loa ki luga te Taupulega kātoa, oi kave ia Iehu ki mua o Pilato,

Luka 23:12

Ko te aho lava tēnā na toe lelei ai te va o Helota ma Pilato; nae fai to lā va lahi lele, ka ko hēki tupu te mea tēnei.

Luka 3:1

I te hefululima o tauhaga talu te nofoakiga a Kaihala Tipelia; ko Ponitiō Pilato te kōvana o Iutea, ka ko Helota te tupu o te itūmālō o Kalilaia, ma ko tona uho ko Filipo, ko te tupu o te itūmālō o Itoulaia ma Talakonaito; ko Luhania te tupu o Apilene,

Ioane 18:12

Oi na puke ai ia Iehu e nā fitafita Loma ma to lātou takitaki fakatahi ma nā leoleo o te Mālumalu. Kua noanoa nā lima o ia

Ioane 18:24

Oi fakatonu ai e Anaha ke kave ia Iehu ki a Kaiafa te Ulu Ohitāulaga, ma ona lima koi noanoa lava.

Ioane 18:28

I te taeaopō, oi kave ai ia Iehu mai te fale o Kaiafa ki te fale o te kōvana. Ko nā takitaki o Iutaia e hēki olo ki loto o te fale o te kōvana; nae mumuhu nā ki lātou e hē mamā i nā mea tau tāpuakiga, ona kua nonofo fakatahi ma nā tino nukukehe, ma hē mafai ai ki lātou ke kakai i te Kaiga Fakamanatuga o te Pāheka.

Gāluega 12:6

I te pō lava na tonu ai ia Helota ke kave ia Petelu ki mua o tagata, ko Petelu nae moe i te va o ni fitafita e toka lua. Nae haihai nā lima i nā filifili e lua, ma e i ei nā fitafita nae leoleoa te faitotoka ki te falepuipui.

Gāluega 21:33

Oi hau ai te takitakikau ki a Paulo, ma fakatonu ke puke ma noanoa i ni filifili e lua. Oi fehili vē atu ai, “Ko ai te tagata nei, ka ko he ā foki ta ia kua fai?”

Gāluega 22:25

Kae i te noanoaga o Paulo e ki lātou ke kini, kae lea vē atu ia Paulo ki te ofiha nae tū i kinā, “E fakataga i te tūlāfono ke kini e koe he tagatānuku Loma ka ko hēki faia hona fakamahinoa ke iloa ai pe hala?”

Gāluega 22:29

I te taimi lava tēnā, ko nā taulelea na tuku e ki lātou fakamahinoa ia Paulo kua hōhō kehe mai ia te ia; ma ko te takitakikau kua mataku i te ia hāfiaga ko Paulo ko he tagatānuku Loma kae ko tēia kua ia noanoagia i nā filifili.

Gāluega 24:27

Kua teka te lua tauhaga, oi hui ai ia Felika e Pokiono Fehetone ke fai ma kōvana. Ko te fialelei o Felika ki nā tino Iutaia, na ia tukua ai ia Paulo i te falepuipui.

Gāluega 28:20

Ko te mea ia kua lea atu ai au ko ki tātou ke feiloaki ma talanoa. Ko te mea moni lava, ko au e noanoa vēnei i nā filifili ona ko te tino tēia e fakamoemoe ki ei ia tagata o Ihalaelu.”

Gāluega 3:13

Ko te Atua o Apelaamo, o Ihaako ma Iakopo, te Atua o nā tupuna o ki tātou, na ia fōkia te mamalu ki a Iehu tana kaukauna. Kae kua koutou tukulima atua ia ki takitaki o Iutaia, ma teteke e koutou i mua o Pilato, e ui lava na tonu ia Pilato ke fakahaoloto.

Gāluega 4:27

Auā e moni lava ko Helota ma Ponitiō Pilato na potopoto fakatahi i te kakai tēnei ma tagata nukukehe vēnā ma tagata o Ihalaelu, ke teteke ki tau Kaukauna paia ko Iehu na kē fakaukuagia ke kavea ma Mehia.

Gāluega 9:2

ma lea ki ei mo ni tuhi ke fakailoa atu ai ia ki nā hūnako i Tamaheko, kae ke ia pukea ai ho he tino e i loto o te maopoopoga e takua ko te Ala o te Aliki i kinā, ko taulelea ma fafine, ma fakafoki ki Ieluhalema.

1 Timoteo 6:13

I mua o te Atua, tē e ia fōkia te ola ki mea uma, ma i mua o Keliho Iehu, tē na takutino tona fakatuatua i mua o Ponitiō Pilato, ko au e lea vēnei atu

2 Timoteo 2:9

Ona e kō tālakia te Tala Lelei, kua maua ai au i nā puapuagā, ma noanoa i nā filifili ukamea e vē he tino holi tūlāfono. Kae ko te kupu a te Atua e hē noanoagia i ni filifili ukamea.

Epelu 13:3

Ke manatua e koutou nā tino i te falepuipui, e vē lava koutou ni tino nae i te falepuipui ma ki lātou. Ke manatua nā tino puapuagā e vē lava ko koutou ni tino nae puapuagā e vē ko ki lātou.