Mataio 27:19 - Tokelauan New Testament

¹⁹ Ka koi nofo ia Pilato ma māfaufau ki hana fakaikuga, kae kaumai ki ei te faifekau mai tana āvaga: “Nahe i ei lele hau mea e fai ki te tino tēnā e hēai hana agahala, auā ko au na puapuagā lele i taku miti na fai i te pō, e uiga ki a te ia.”

Mataio 27:19 ပူးပေါင်းရင်းမြစ်များ

Mataio 1:20

Ka koi māfaufau vēnei ia Iohefa, kae kua fakaali ki ei he agelu a te Aliki i he miti, e lea vē, “Iohefa te lāpuna o Tavita, ia koe nahe mataku oi kavea ia Malia ma au āvaga. Auā ko tana to e mai i te mana o te Agaga Paia.

Mataio 2:19

Kae i te otiga o Helota, na fakaali ai he agelu a te Atua ki a Iohefa i he miti i Aikupito

Mataio 2:22

Kae i te lagonaga e Iohefa ko Akilao kua hui ki tona tamana ko Helota ma kua kavea ma tupu o Iutea, oi mataku ai ke toe foki. Na toe maua iētahi fakatonuga o ia i he miti, oi fano ai loa ki te itūmālō ko Kalilaia,

Mataio 27:18

Auā kua ia iloa lelei lava ko te lotokino o nā takitaki o tagata Iutaia, na ki lātou kavakea ai ia Iehu ki a te ia.

Mataio 27:24

I te kiteaga e Pilato kua hē aogā ke fakaauau pea, ona ko tagata kua tau hē mafai ke tāofiofi, oi tago ai ki nā vai kua fafano ai ona lima i mua o te kaifenua ma lea vē atu, “E mamā au ma te toto o te tagata tēnei! E a koutou lava te mea tēnei!”

Mataio 27:4

Kua lea vē atu ia Iuta, “Ko au kua agahala ona kua kō fakalatagia he tino e hēai hana agahala, ma ka oti tauanoa ai ia.” Kua tali mai ki lātou, “E hēai lele he mātou fekau ki ei. Faitalia lava koe ma te mea tēnā.”

Luka 23:41

Kae ko te fakahalaga o ki tāua e hako, auā kua maua lava e ki tāua te taui o a tā mea na fai; kae ko ia tēnei, e hēki i ei hana mea hehē na fai.”

Luka 23:47

Kua kitea atu e te takitakikau o te toka helau te mea kua tupu, oi viviki ake ai ki te Atua, ma lea vē, “E hako lava, ko te tino tēnei e hēai hana holitūlāfono!”

Ioane 19:13

I te lagona atuga e Pilato nā fakakupuga iēnei, oi kave ai e ia ia Iehu ki fafo, ma nofo ki luga o te nofoa fakamahino i te mea e takua ko te “Ala Folafatu” (Ko te igoa i te gagana Epelu ko te “Kapata.”)

Gāluega 12:21

E i ei te aho fakapitoa e kofu ai ia Helota i ona kofu tau tupu, oi nofo ai i tona nofoāliki ma fai tana lāuga ki tagata.

Gāluega 18:12

I te kaveaga o Kaliono ma kōvana o Akaia, oi kau fakatahi ai ia tagata Iutaia ma puke e ki lātou ia Paulo, ma kave ki te fakamahinoga.

Gāluega 18:16

Oi tuli kehe ai ki lātou e ia mai loto o te fale fakamahino.

Gāluega 18:17

Kua puke e ki lātou uma ia Hohetene te takitaki o te hūnako, ma kini i mua o te fakamahinoga. Kae e hēki tokaga lele ki ei ia Kaliono.

Gāluega 25:10

Kua lea atu ia Paulo, “Ko au e i mua nei o te fakamahinoga a te Kaihala, te mea e tatau ke fakamahino ai au. E hēai he mea hehē kua kō faia ki nā tino Iutaia, e vē ona iloa lelei lava e koe.

Gāluega 25:17

I te ōmamaiga la o ki lātou ki kinei, ko au e hēki toe fakatali; na nofoia loa lava e au te nofoa fakamahino i te aho na hohoko ai, ma fakatonu ke kaumai te tino tēnei.

Gāluega 25:6

E valu pe hefulu ia aho na toe nofo ai ia Fehetone i Ieluhalema, oi toe foki ai ki Kaihaleia. I te aho na hohoko ai, oi nofoia ai e ia tona nofoa fakamahino, kae fakatonu ke kaumai ia Paulo ki loto.

1 Petelu 2:22

E hēki i ei hana agahala, ma e hēki fakalogo lele he tino ki he kupu pepelo e hau mai tona gutu.

1 Ioane 2:1

Ko au kua tuhi atu ki a te koutou taku fānau, kae ke nahe faia ai e koutou te agahala; kae kāfai he tino e agahala, e i ei te tino e fautua ki te Tamana mo ki tātou — ko Iehu Keliho, tē e āmiotonu.