Mataio 26:70 - Tokelauan New Testament

⁷⁰ Kae kua fakafiti ia Petelu i mua o tagata, kua lea vē atu, “E hē kō iloa te mea e lea ai koe!”

Mataio 26:70 ပူးပေါင်းရင်းမြစ်များ

Mataio 26:51

Kua heki ake te pelu a hētahi nae fakatahi ma Iehu, ma ta ai e ia hētahi o kaukauna a te Ulu Ohitāulaga, ma motu ai te taliga.

Mataio 26:56

Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Mataio 26:58

Ka ko Petelu kua taumulimuli mamao atu i tua ke pa lava ki te lōtoā o te fale o te Ulu Ohitāulaga. Kua fano ki loto o te lōtoā ma nofo ki lalo i te mea e i ei ai nā leoleo o te Mālumalu, kae ke ia kitea pe ko he ā te ka pa ki ei.

Mataio 26:69

E nofo ia Petelu i fafo i te lōtoā kae hau he kaukauna fafine a te Ulu Ohitāulaga kua lea vē mai ki ei, “Ko koe foki tētahi tino nae i ei fakatahi ma Iehu te tino Kalilaia.”

Mataio 26:71

Oi fano ai ia Petelu ki te faitotoka o te lōtoā, kae hau tētahi kaukauna fafine ma kua ia kitea ia Petelu, oi lea vē ai kinā tino nae tutū i kinā, “Ko te tino tēia nae fakatahi ma Iehu te Nahaleta.”

Luka 22:57

Kae kua fakafiti ia Petelu, ma lea vē atu, “Te māfine, e hē kō iloa te tino tēnā!”

Loma 11:20

E hako. Na tagau kehe ona e hēki talitonu, kae ko koe e tūmau pea ona ko koe e talitonu. Ia koe la nahe fāfia, kae ke lagona e koe te mataku.

1 Kolinito 10:12

Kāfai koutou e manatu e mau lelei autou tutū, fakaeteete la nā koutou e pakukū.

Fakaaliga 21:8

Kae ko nā tino palakakai, vēnā ma nā tino kua toe liliu kehe mai te Atua, nā tino āmio kino, nā tino tāmate tino, nā tino e tuinanau ki te tino, nā taulāitu, nā tino e ifo ki tupua ma nā tino talapepelo uma lele — ko te nofoaga mo ki lātou ko te vaitūloto e mumū i te afi ma te teiō, ko te oti tēnā tona lua.”