Mataio 26:56 - Tokelauan New Testament

⁵⁶ Kae ko nā mea uma iēnei kua tutupu, kae ke taunuku ai nā mea nā tūhia e te kau pelofeta i loto o nā Tuhituhiga Paia.” Oi tīaki ai ia Iehu e te kau hoko uma, kae fētutuli kehe.

Mataio 26:56 ပူးပေါင်းရင်းမြစ်များ

Mataio 21:42

Kua vāgana atu ia Iehu ki a te ki lātou, “E hēki faitau lele nei koutou ki nā Tuhituhiga Paia e lea mai: ‘Ko te fatu na tīaki e nā faufale e hē aogā kua kavea ma fatu e pito hili atu ona tāua. Ko te mea tēnei na fai e te Aliki; kai te manaia i te kikila ki ei.’ ”

Mataio 26:24

Ko te Ataliki o te Tagata e oti lava e vē oi lea mai ai nā Tuhituhiga Paia, kae hāloa la te tino e ia fakalatagia te Ataliki o te Tagata. Na hili lele atu mo te tino tēnā, anei ake e hēki fānau mai ki te lalolagi”

Mataio 26:31

Kua vāgana atu ia Iehu ki a te ki lātou, “Ko te pō lava tēnei ka hōhola kehe uma ai koutou kae tīaki au, auā e lea mai te tuhituhiga paia, ‘Ka tāmate e te Atua te leoleomāmoe, ma ko te lafu māmoe ka takape.’

Mataio 26:54

Kae kāfai ia au ka kalaga, oi vēhea ai ona fakataunuku te kupu i nā Tuhituhiga Paia, e lea mai ko te mea tēnei e tatau ke tutupu?”

Ioane 16:32

E hau te taimi, ma kua pa mai, ka takape ai koutou ma fano lava te tino ki tona kāiga, kae tīaki au tautahi. Kae ko au e hē tautahi, auā ko te Tamana e fakatahi ma au.

Gāluega 1:16

Kua lea vē atu, “Te kau uho, kua tatau lava ke fakataunuku te mea e tākua i te tuhituhiga paia e uiga ki a Iuta, tē na ia takitakia nā leoleo o te Mālumalu ke ki lātou pukeagia fakapagotā ia Iehu. Ko te mea tēnei na valoia e te Agaga Paia i nā aho kua leva lele, e ala mai ia Tavita.

Gāluega 2:23

Ko he peleni lava e a te Atua te na ia tukulima atu ai ia Iehu ki a te koutou; ma na tāmate e koutou i te kua fakataga e koutou nā tino agahala, ke ki lātou fakahātauloagia.

2 Timoteo 4:16

I te faiga o toku fakamahinoga, e hēai lele he tino na fehoahoani mai ki a te au; ko au na tīaki e ki lātou uma. Ko au e tatalo ke nahe tauia e te Atua te lātou mea tēnei na fai.