Mataio 26:55 - Tokelauan New Testament

⁵⁵ Oi vāgana atu ai ia Iehu ki te kaifenua, “Ko au nei he tino kaihohoa kua ōmamai ai koutou ma nā pelu ma nā pōvai oi puke au? I aho uma ko au e nofo i loto o te Mālumalu ma akoako atu ki tagata, kae e hēki koutou pukea au i kinā.

Mataio 26:55 ပူးပေါင်းရင်းမြစ်များ

Mataio 21:23

Kua toe foki mai ia Iehu ki te Mālumalu; ma ka koi akoako atu ia ki tagata, kae ōmamai te kau ohitāulaga hili ma te kau toeaina kua fehili vē atu ki ei, “E āi te pule e fai ai e koe nā mea iēnei? Ko ai te na ia fōki atua ki a te koe te pule tēnei?”

Mataio 26:47

Ka koi tautala ia Iehu, kae pa mai ia Iuta, tētahi o te kau hoko e toka hefululua. Na ōmamai fakatahi ma he kaifenua o tagata e tokalahi ma nā pelu ma nā pōvai, na uga mai e te kau ohitāulaga hili ma te kau toeaina.

Maleko 10:1

Oi fano kehe ai ia Iehu i te kogāfenua tēnā, kua fano agai ki te itūmālō o Iutea, oi aha ai ki tētahi itū o te vaitafe ko Iolitana. E tokalahi foki he kaifenua kua toe lolofi atu ki ei, oi akoako atu ai ki lātou e ia, e vē lava ko tana māhani.

Maleko 12:35

Ka koi akoako atu ia Iehu i loto o te Mālumalu, oi fehili vē atu ai, “E vēhea ona lea nā faiakoga o te Tūlāfono ko he lāpuna e o Tavita te ka kavea ma Mehia?

Luka 19:47

Nae akoako atu e Iehu ia tagata i te Mālumalu, i nā aho takitahi uma. Na fofou lele nā ohitāulaga hili, nā faiakoga o te Tūlāfono ma nā takitaki o tagata Iutaia, ke tāmate ia Iehu,

Luka 20:1

I tētahi aho, e akoako atu ia Iehu ki tagata i loto o te Mālumalu ma folafola atu te Tala Lelei, kae ōmamai ki a te ia te kau ohitāulaga hili, nā faiakoga o te Tūlāfono ma te kau toeaina

Luka 4:20

Kua toe tākai e Iehu te tuhitākai, oi fōki ai ki te tino nae ia kikilagia te hūnako, kae nofo ki lalo. Ko mata o tagata uma i loto o te hūnako, na tuku uma ki a Iehu,

Ioane 7:14

Pe kua teka te āfa o nā aho o te Kaiga Fakamanatu, oi fano ia Iehu ki te Mālumalu, oi akoako atu ki tagata.

Ioane 7:28

Ka koi akoako atu ia Iehu i te Mālumalu, na lea leo lahi lele ai vē, “Oi, e koutou iloa au ma te mea e hau ai au, ni? Ko au e hēki hau i haku pule. Kae ko tē na ia uga maia au, e fakamāoni. E hē koutou iloa ia,

Ioane 8:2

I te taeaopōpō o te aho alafaki, na toe fano ai ia Iehu ki te Mālumalu. Kua ōmamai ki a te ia nā tino uma lele, oi nofo ai ki lalo ma kāmata ai oi akoako atu e ia ki lātou.

Ioane 8:20

Ko nā kupu iēnei na tautala ai ia Iehu, ka koi akoako atu i loto o te Mālumalu, i te potu e i ei nā puha e tuku ki loto nā tāulaga tupe ma nā meaalofa a tagata. Kae e hēki pukea ia e nā tino, auā ko tona taimi ko hēki pa mai.