Mataio 26:53 - Tokelauan New Testament

⁵³ E vēake koe e hē kō mafaia oi kalaga ki toku Tamana ki he fehoahoani, ma uga vave mai ai e ia ni lēkeona agelu e hili atu i te hefululua?

Mataio 26:53 ပူးပေါင်းရင်းမြစ်များ

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 4:11

Oi fano kehe ai te Tiāpolo, kae kua ōmamai nā agelu oi fehoahoani ki a Iehu.

Maleko 5:15

ma i te tau atuga o ki lātou ki a Iehu, na ki lātou kitea ai te tamāloa nae māhani oi ulufia e te tokalahi o tēmoni. E nofo mai kua fai ona kofu ma kua lelei tona māfaufau; oi na mātataku uma ai ki lātou.

Maleko 5:9

Kua fehili atu ia Iehu ki te tamāloa, “Ko ai tō igoa?” Kua tali mai ia, “Ko toku igoa ko ‘Lēkeona’ — e tokalahi ki mātou!”

Luka 8:30

Kua fehili atu ia Iehu ki te tamāloa, “Ko ai tō igoa?” Kua tali mai ia, “Ko toku igoa ko ‘Lēkeona,’” — ona e tokalahi nā tēmoni kua ulufia ai ia.

Ioane 10:18

E hēai he tino e ia kave kehea toku ola mai ia te au, kae e kō ofo atua i toku loto malie. E ia te au te pule ke ofo atu ai toku ola, ma e ia te au foki te pule e toe kaumai ai. Ko te mea tēnei kua fakatonu mai e toku Tamana ke kō faia.”

Ioane 18:36

Kua tali mai ia Iehu, “Ko toku mālō e hē o te lalolagi tēnei; anei toku mālō e o te lalolagi tēnei, ko aku kaukauna na tau kae ke nahe pukea ai au e nā takitaki o Iutaia. Hēai, ko toku mālō e hē o te lalolagi.”

2 Tehalonia 1:7

ma ka fakamapu e ia koutou iēnā e puapuagā vēnā ma ki mātou. Ka ia faia te mea tēnei, kāfai te Aliki ko Iehu e haele ifo mai te lagi ma tana kau agelu mākekeke,

Iuta 1:14

Ko iēnei nā mea na vavalo e Enoka, ko te toka fitu ia o lāpuna na tupuga hako mai ia Atamu, i te leaga vēia, “Kikila, ko te Aliki ka hau ma te afe ma afe o ana agelu paia,