Mataio 26:38 - Tokelauan New Testament

³⁸ Oi lea atu ai ki a te ki lātou, “Ko au e vē he tino ka oti, i te fakanoanoa lahi o toku loto. Nonofo i kinei ma tautuku fakatahi ma au, nā he tino e hau.”

Mataio 26:38 ပူးပေါင်းရင်းမြစ်များ

Mataio 25:13

Kua fakauma te tautalaga a Iehu, oi lea vē atu ai, “Koutou la ke mataala, auā e hē koutou iloa te aho pe ko te itūlā.

Maleko 14:34

Oi vāgana atu ai ki a te ki lātou, “Ko au e vē he tino ka oti, i te fakanoanoa lahi o toku loto. Nonofo i kinei ma tautuku, nā he tino e hau.”

Ioane 12:27

“Te popole o toku loto i te taimi nei. Ka vēhea ake nei au? Ka lea nei au, ‘Te Tamana, fakahao ko au mai tēnei itūlā.’? Hēai, ko tēnei tonu lava te mea na hau ai au — ke maua au i nā puapuagā i te itūlā tēnei.

Loma 8:32

E hēki tāofia e te Atua tona lava Ataliki, kae na tukulima mai e ia mo ki tātou uma — ka hē ia tukulima maia nei foki la mo ki tātou nā mea uma?

2 Kolinito 5:21

E hēki i ei lele he agahala a Keliho, kae mo to tātou lelei, na fai ai e te Atua ke agahala fakatahi ia ma ki tātou, kae ke kavea ai te fakaleleia o ki tātou ma Keliho, ma mea e talia ai ki tātou e te Atua.

Kalatia 3:13

Kae ko te kavea o Keliho ma fakahalaga mo ki tātou, kua ia fakahaoa ai ki tātou mai te fakahalaga e kaumai e te Tūlāfono; auā e leamai te tuhituhiga paia, “Ho he tino e fakatautau i luga o he lākau ma tāmate, ei lalo o te fakahalaga a te Atua.”

1 Petelu 2:24

Ko Keliho lava ia te na taukaveagia a tātou agahala i tona tino ki te hātaulo, kae ke haoloto ai ki tātou mai te agahala, ma ola ke fai te mea e tonu. E ala i ona manuka kua mālōlō ai koutou.

1 Petelu 3:18

Auā ko Keliho na mate fakafokotahi oioti lava mo nā agahala, he tino āmiotonu na fai ma hui o nā tino hē āmiotonu, kae ke takitakia ai koutou ki te Atua. Na tāmate i tona tino tagata, kae na fakaola i te fakateagaga,

1 Petelu 4:7

Kua pili mai te ikuga o mea uma. E tatau ai la koutou ke pūlea ma mataala, kae ke mafai koutou ke tatalo.