Mataio 26:34 - Tokelauan New Testament

³⁴ Oi lea atu ai ia Iehu ki a Petelu, “E takutino atu e au ki a te koe te meamoni, ka ko hēki vivini ia moa i te pō nei, ka kua fakafiti fakatolu koe, e hē kē iloa au.”

Mataio 26:34 ပူးပေါင်းရင်းမြစ်များ

Mataio 26:33

Kua lea atu ia Petelu ki a Iehu, “E hē kō tiakia lele koe, e tuha lava pe hōhola kehe uma tētahi vāega!”

Mataio 26:75

ma na manatua ai loa e Petelu te kupu a Iehu na fai ake ki a te ia, “Ka ko hēki vivini te moa, ka kua fakafiti fakatolu koe e hē kē iloa au.” Oi fano ai ki fafo, kua tagi aueuē ai.

Maleko 14:72

Ko te taimi lava tēnā na vivini fakalua ai te moa, ma na manatua ai loa e Petelu te kupu a Iehu na fai ake ki a te ia, “Ka ko hēki vivini fakalua te moa ka kua fakafiti fakatolu koe e hē kē iloa au.” Oi kāmata loa kua tagi.

Luka 22:34

Kua lea atu ia Iehu, “E takutino atu e au ki a te koe Petelu, ka hē vivini lele ia moa i te pō nei, heiloga koe kua fakafiti fakatolu, e hē kē iloa au.”

Luka 22:61

Kua liliu mai te Aliki ki ona tua, oi kikila hako ki a Petelu, ma na manatua ai loa e Petelu te lea vē akega o te Aliki ki a te ia, “Ka ko hēki vivini te moa i te pō nei, ka kua fakafiti fakatolu koe e hē kē iloa au.”

Ioane 13:38

Kua tali mai ia Iehu, “Ko koe moni kua hāuni ke oti mo au? E takutino atu e au ki a te koe te meamoni: ka ko hēki vivini ia moa ka kua fakafiti fakatolu koe, e hē kē iloa au.”