Mataio 26:3 - Tokelauan New Testament

³ Oi fakapotopoto ai te kau ohitāulaga hili ma te kau toeaina ki te fale o Kaiafa te Ulu Ohitāulaga,

Mataio 26:3 ပူးပေါင်းရင်းမြစ်များ

Mataio 26:69

E nofo ia Petelu i fafo i te lōtoā kae hau he kaukauna fafine a te Ulu Ohitāulaga kua lea vē mai ki ei, “Ko koe foki tētahi tino nae i ei fakatahi ma Iehu te tino Kalilaia.”

Mataio 27:27

Oi kave ai ia Iehu e nā fitafita a te kōvana ki loto o te fale o te kōvana, ma kua fakapotopoto uma te vāega tēnā o nā fitafita fakatāmilo ia Iehu.

Maleko 14:54

Ko Petelu kua taumulimuli mamao atu i tua ma fano ai ki loto o te lōtoā o te fale o te Ulu Ohitāulaga. Ko kinā na nofo ai ki lalo fakatahi ma nā leoleo o te Mālumalu, oi fakamāfanafana i tafa o te afi.

Maleko 14:66

Koi nofo ia Petelu i loto o te lōtoā kae havali ake he kaukauna fafine a te Ulu Ohitāulaga.

Maleko 15:16

Kua kave ia Iehu e nā fitafita ki loto o te lōtoā o te fale o te kōvana, oi fakapotopoto mai ai e ki lātou iētahi fitafita uma o te lātou vāega.

Luka 22:55

Nae tafu he afi i lototonu o te lōtoā, oi fano ai ki ei ia Petelu ma nofo ki lalo i te mea e i ei ai nā tino i tafa o te afi.

Luka 3:2

ka ko Anaha ma Kaiafa nā Ulu Ohitāulaga. Ko te taimi tēnā na pa mai ai te kupu a te Atua ki a Ioane te ataliki o Hakalia, i te vao.

Ioane 11:57

Oi fai ai te fakatonuga a nā ohitāulaga hili ma te kau Falehaio, ho he tino e ia iloa te mea e i ei ia Iehu, e tatau ke fakailoa ake, kae ke mafai ai e ki lātou oi puke.

Ioane 18:24

Oi fakatonu ai e Anaha ke kave ia Iehu ki a Kaiafa te Ulu Ohitāulaga, ma ona lima koi noanoa lava.

Ioane 18:28

I te taeaopō, oi kave ai ia Iehu mai te fale o Kaiafa ki te fale o te kōvana. Ko nā takitaki o Iutaia e hēki olo ki loto o te fale o te kōvana; nae mumuhu nā ki lātou e hē mamā i nā mea tau tāpuakiga, ona kua nonofo fakatahi ma nā tino nukukehe, ma hē mafai ai ki lātou ke kakai i te Kaiga Fakamanatuga o te Pāheka.