Mataio 26:10 - Tokelauan New Testament

¹⁰ Kae kua hāfia e Iehu te mea e lea ai ki lātou, oi vāgana atu ai ki ei, “He ā te fakalavelave ai koutou ki te fafine tēnei? Ko he mea e gali ma manaia te kua fai e ia mo au.

Mataio 26:10 ပူးပေါင်းရင်းမြစ်များ

Mataio 26:11

Ka i ei pea lava nā tino mātitiva ma koutou, kae ka hē i ei pea lava au ma koutou.

Mataio 26:9

Ko nā lolo manogi na tatau ke fakatau ke maua mai ai he tupe lahi, ma kave ai te tupe ma nā tino mātitiva!”

Maleko 14:6

Kae kua vāgana atu ia Iehu, “Tuku vē te fafine! He ā te fakalavelave ai koutou ki ei? Kua fai e ia he mea e gali ma manaia ki a te au.

Luka 8:49

Ka koi tautala vēnei atu ia Iehu, kae pa mai he faifekau mai te fale o Iāilo, kua lea vē atu ki a Iāilo, “Ko tō afafine kua oti; nahe toe fakalavelave tauanoa la ki te Faiakoga.”

2 Kolinito 9:8

Ma e mafai e te Atua oi fōki atu nā fakamanuiaga e lahi atu lele mo koutou, kae ke maua ai e koutou nā mea uma e manakomia e koutou, ma lava ma totoe mo iētahi gāluega lelei.

Kalatia 1:7

Ko te mea moni, e hēai hētahi Tala Lelei! Kae ko au kua lea vēnei atu ona e i ei nā tino e fakalavelave atu ki a te koutou ma taumafai ke liliu kehe koutou mai te Tala Lelei a Keliho.

Kalatia 5:12

Kai au te fofou ko nā tino e fakahehēa koutou, ke hē gata e pelitomeagia, kae ke tatipi foki ma ni iētahi mea!

Kalatia 6:17

E i toku tino nā māila e fai ma fakamāoniga ko au ko he pologa e a Iehu. Nahe i ei la he tino e toe fakahoehā mai ki a te au.

Efeho 2:10

Ko ki tātou na fai e te Atua ke vē lava ko te tūlaga kua i ei ki tātou, ma i te māfutaga ma Keliho Iehu na gaohia ai ki tātou e te Atua mo he ōlaga o gāluega lelei, tēia kua uma te ia hāunia ke fai e ki tātou.

Kolohe 1:10

Oi ka mafai ai loa e koutou oi ola e tuha ma te finagalo o te Aliki, ma koutou faia ai pea nā mea e fiafia ai ia. Ka fua mai autou gāluega lelei ma ka fakatupu ātili te koutou mālamalama e uiga ki te Atua.

2 Tehalonia 2:17

ke fakamālohi ma fakamākeke atu ki a te koutou i taimi uma, ke tautatala ma fai ai pea lava e koutou nā mea e lelei.

1 Timoteo 3:1

Ko te fakakupuga tēnei e hako: Kāfai he tino e fofou ke kavea ia ma takitaki o he Ekalehia, ko tona uiga e naunau ke ia faia he gāluega e lelei.

1 Timoteo 5:10

ma e tatau ke i ei he fakamāoniga o ana gāluega lelei nae fai: he fafine nae tauhi lelei ki tana fānau, nae talia e ia ni tino kehe ki tona fale, nae faia ni gāluega ma te loto maulalo mo iētahi tagata Kelihiano, nae fehoahoani ki nā tino puapuagātia, ma nae tuku tahi tona loto ki te faiga o nā gāluega e lelei.

2 Timoteo 2:21

Ko nā tino e ki lātou fakamamāgia ki lātou mai nā mea kino uma iēnā, ka fakaaogā ki lātou mo nā mea fakapitoa, auā kua uma te fakapaiagia o ki lātou ma e aogā mo to lātou Matai, ma kua hāuni ke fakaaogā ki ho he gāluega lelei.

Tito 1:16

Ko nā tino vēnei e lea e ki lātou iloa te Atua, kae e kitea ia lātou mea e fai te hē hako o tēnei fakakupuga. Ni tino e inohia ma hē fakalogo ki te Atua, ma e hē ki lātou mafaia oi fai he mea lelei e fokotahi.

Tito 2:14

Na ia tuku atua ia mo ki tātou, ke fakahao ai ki tātou mai nā mea kino uma, ma kavea ai ki tātou ma ona tagata, e mamā ma naunau ke fai nā mea e lelei.

Tito 3:1

Fakamanatu ki nā tino ke talia e ki lātou te pule a aliki ma nā taupulega, ke uhitaki ki ei ma ke nonofo hāuni ke fai ho he gāluega lelei.

Tito 3:14

E tatau o tātou tagata Kelihiano i Kelete ke ki lātou iloa oi fakaaogā o lātou taimi ke fai ai ni gāluega lelei, kae ke mafai ai ke fehoahoani ki nā tino e fofou vave ki he fehoahoani; e hē tatau ke ola ki lātou i he ōlaga e hē tupu mai ai ni fua lelei.

Tito 3:8

Ko te fakakupuga tēnei e hako. Ko au e fofou ko koe ke fakamākeke oi tautala i nā mea iēnei, kae ke mafai ai nā tino kua talitonu ki te Atua ke fano hako o lātou taimi ki te faiga o nā mea e lelei, ma fai ai e ki lātou ni gāluega e lelei ma aogā.

1 Petelu 2:12

E tatau ke lelei autou āmio i te kikila a nā tino fakapaupau. Kāfai la ka faitiogia koutou e ki lātou ma lea e koutou faia nā āmioga kino, ka mafai ke ki lātou kitea autou gāluega lelei ma viviki ake ai ki te Atua i te Aho e haele mai ai.