Mataio 25:6 - Tokelauan New Testament

⁶ “Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’

Mataio 25:6 ပူးပေါင်းရင်းမြစ်များ

Mataio 24:31

Ka ili lahi te pu, ma uga atu ai e ia ana agelu, ma ka ki lātou fakamāopoopo maia nā tino kua uma te ia filifilia mai nā itū e fa o te lalolagi, mai tētahi itūlagi ki tētahi.

Mataio 24:44

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

Mataio 25:1

“I te taimi tēnā, ko te Mālō o te lagi ka fakatuha vēnei. Nae i ei ni tautiti e toka hefulu na kave a lātou lāmepa ma olo ki fafo ke fakafeiloaki ki te tama fakaipoipo.

Mataio 25:31

“Kāfai te Ataliki o te Tagata e hau i tona mamalu fakatahi ma ana agelu uma, oi ka nofo i tona nofoāliki mamalu,

Mataio 25:5

Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.

Mataio 25:7

Kua āla ki luga nā tautiti e toka hefulu ma kī ki luga a lātou lāmepa.

Luka 12:20

Kae kua vāgana atu ki ei te Atua, ‘Te Vale! Ko te pō nei lava ka uma ai tō ola; ko nā mea uma la a koe kua hāuni, ko ai te ka kave ma ia?’ ”.

Luka 12:46

Kae ka toe foki mai tona matai i he aho e hēki manatu te kaukauna e toe foki mai ai, ma i he taimi e hē ia iloa. Ka tukimomo lele ia e tona matai, oi tuku atu ai ki te mea e i ei ai nā tino hē talitonu.

1 Tehalonia 4:16

Ka tālili te pa mai o te fakatonuga, te leo o te agelu hili, te leo o te pu a te Atua, ma ko te Aliki lava ia ka fanaifo mai te lagi. Ko ki lātou uma na oti kae talitonu ki a Keliho, ka muamua oi toe tutū mai;

2 Petelu 3:10

Kae ko te Aho o te Aliki e hau e vē ko he tino kaihohoa. I te Aho tēnā, ka matafi kehe atu te lagi ma te tālili o he piha lahi, ka mu uma nā mea i te vāteatea ma fakaumatia, ma mou kehe atu

Fakaaliga 16:15

Kua vāgana te Aliki, “Kikila, ko au e hau e vē he tino kaihohoa! Amutia te tino e hē moe lele kae kikila lelei ona lavalava kae ke nahe havali telefua lele ma māhiahi ai i mua o tagata!”