Mataio 25:5 - Tokelauan New Testament

⁵ Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.

Mataio 25:5 ပူးပေါင်းရင်းမြစ်များ

Mataio 24:48

Kae kāfai ko ia ko he kaukauna kino, ka lea vē ifo ki a te ia lava, ‘ko toku matai e tuai mai,’

Mataio 25:19

“Kua teka atu he taimi mataloa, oi toe foki mai ai te matai ma kua fia iloa e ia pe ni a ta ana kaukauna na fai ki ana tupe.

Mataio 25:4

ka ko nā tautiti popoto kua kave a lātou lāmepa ma kave a lātou huāū fakaleoleo.

Mataio 25:6

“Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’

Mataio 26:40

Oi toe foki ai ia Iehu ki ona hoko e toka tolu, ma na ia maua atu e momoe. Oi lea atu ai ki a Petelu, “Oi, e hē koutou lavā lele oi tautuku fakatahi ma au mo he itūlā lava e fokotahi?

Mataio 26:43

Kua toe liliu ia Iehu ki ona hoko ma na ia maua atu e momoe; kua hē mafai lava ke pupula o lātou mata i te fia momoea.

Luka 1:21

I te taimi tēnā, ko nā tino nae fakatalitali ki a Hakalia, kua māfaufau pe he ā te kua tuai mai ai i loto o te potu e fai ai te tāulaga meamanogi.

Luka 12:45

Kae kāfai te kaukauna tēnei e lea vē ifo ki a te ia lava, ‘ko toku matai e tuai mai,’ oi kāmata ai oi kini e ia nā kaukauna tagata ma nā kaukauna fafine, ma kai ma inu ma konā.

Luka 18:8

E lea atu au ki a te koutou, ka vave lele oi fehoahoani te Atua ki a te ki lātou. Kae kāfai te Ataliki o te Tagata e hau, e i na ia maua nei he tino fakatuatua i te lalolagi?”

Luka 20:9

Oi fai ai e Iehu te talafakatuha tēnei ki nā tino: “E i ei he tino na fano oi totō he tōvine e o ia, oi tuku ai e ia ke lihi e ni nofolihi, kae fano i hana malaga ki hētahi atunuku mo he taimi mataloa lele.

Loma 13:11

E tatau ke fai e koe te mea tēnei, auā e iloa e koe kua pa ki te taimi e tatau ke ala ai koe mai tau moe e fai. Auā ko te taimi ka maua ai e ki tātou te fakaolataga e pili lele mai nei i lo te taimi na muamua talitonu ai ki tātou.

Efeho 5:14

auā ho he mea e kitea manino e fai tēnā ma mālamalama. E vē oi tūhia, “Ala ake koe tēnā e moe, ma tū ki luga mai te mate, ma ka huhulu atu te mālamalama o Keliho ki a te koe.”

1 Petelu 5:8

Koutou ke mataala ma kikila fakalelei! Ko te fili o koutou, te Tiāpolo, e eva ma taukekē e vē he leona, oi hakili he tino ke ia kaia.

Fakaaliga 2:25

kae tāofi mau ki nā mea kua ia te koutou, ke toe foki mai au.