Mataio 25:4 - Tokelauan New Testament

⁴ ka ko nā tautiti popoto kua kave a lātou lāmepa ma kave a lātou huāū fakaleoleo.

Mataio 25:4 ပူးပေါင်းရင်းမြစ်များ

Mataio 10:16

“Kikila! Ko koutou e uga atu e au e vē lava ni māmoe ki te mea e i ei ai nā luko. Ko koutou la e tatau ke popoto e vē ko nā gata ma agamalū e vē ko nā lupe.

Mataio 25:2

E toka lima ki lātou e vālelea ma toka lima e popoto.

Mataio 25:3

Ko nā tautiti vālelea kua kave a lātou lāmepa kae kua hē kavea ma ni a lātou huāū fakaleoleo,

Mataio 25:5

Kua tuai mai te tama fakaipoipo, oi kāmata ai oi tulemomoe nā tautiti ma iku ai kua momoe.

Mataio 7:24

“Ko te mea ia, ho he tino e lagona e ia nā kupu iēnei a āku ma uhitaki ki ei, e vēia ia ko he tino poto na fau tona fale i luga o te papa.

Ioane 3:34

Auā ko tē na uga mai e te Atua, e tautala i te kupu a te Atua, auā kua tuku atu kātoa ki ei, te Agaga o te Atua.

Loma 8:9

Kae ko koutou e hē ola ma mulimuli ki te mea e fakatonu atu e te natula fakatetagata ke fai; ko koutou e ola ma mulimuli ki te mea e fakatonu atu e te Agaga ke fai — pe kāfai moni ko te Agaga o te Atua e nofo i loto ia te koutou. Ko ai lava e hē ia te ia te Agaga o Keliho, e hē a Keliho te tino tēnā.

2 Kolinito 1:22

ma tuku maia tana fakailoga ki o mā luga, ke iloa ai ko ki māua e a ia, ma na ia tuku maia te Agaga Paia ki o mā loto, ke fakamāonia ai nā mea uma lele kua ia hāunia mo ki māua.

1 Ioane 2:20

Kae ko koutou kua uma te fakaukugia e Keliho te Tokatahi Paia fakatahi ma te Agaga, ma e iloa uma e koutou te meamoni.

1 Ioane 2:27

Kae e vē la ki a te koutou, kua liligi atu e Keliho tona Agaga ki luga o koutou. Kāfai lava la e tūmau pea tona Agaga i luga o koutou, e hē manakomia foki e koutou he tino ke akoakoa koutou. Auā e akoako koutou e tona Agaga i nā mea uma, ma ko te mea e akoako e ia e moni, kae e hē pepelo. Uhitaki la ki akoakoga a te Agaga, ma ke tūmau ai pea lava koutou i te māfutaga ma Keliho.

Iuta 1:19

Ko iēnei nā tino e ki lātou fakatupuagia nā fekehekeheakiga; ni tino e o te lalolagi e hē ia te ki lātou te Agaga o te Atua.