Mataio 25:34 - Tokelauan New Testament

³⁴ Oi ka lea atu ai te Tupu ki nā tino i tona itū taumatau, ‘Ōmamai, koutou iēnā kua fakamanuiagia e toku Tamana! Ōmamai oi fai mo koutou te tofi ki te mālō, kua uma te hāunia mo koutou, mai te kāmataga o te lalolagi.

Mataio 25:34 ပူးပေါင်းရင်းမြစ်များ

Mataio 13:35

Na fai e ia te mea tēnei kae ke taunuku ai te kupu a te pelofeta, “Ka fakaaogā e au nā talafakatuha ke akoako ai ki lātou; ka fakailoa e au ki a te ki lātou nā mea nae hē iloa e he tino talu te foafoaga o te lalolagi.”

Mataio 19:29

Ma ko ho he tino e ia tukua tona fale, pe ko ona uho, pe ko ona tuafafine, pe ko tona tamana, pe tona mātua, pe ko tana fānau, pe ko ona fenua ona ko au, ka maua e ia he taui e hautua helau, ma vēnā foki oi maua e ia te ola e fakavavau.

Mataio 20:23

Oi lea atu ai ia Iehu ki ei, “E moni ko koulua ka inu ki taku ipu, kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko nā nofoaga iēnei e mo ki lātou kua filifilia e toku Tamana ke nonofo ai.”

Mataio 21:5

“Lea ki te kakai o Hiona, Kikila, ko te koutou tupu e hau ki a te koutou! E loto maulalo ma e tiketike i luga o he āhini ma luga o he punua āhini poa, te punua a he āhini.”

Mataio 25:21

Kua lea atu ki ei tona matai, ‘Mālō ni, te kaukauna lelei ma te fakamāoni, ko koe kua fakamāoni i nā tamā mea. Ka kō tōfia koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:23

Kua lea atu ki ei tona matai, ‘Mālō ni, te kaukauna lelei ma te fakamāoni. Kua fakamāoni koe i te kikilaga o ni mea e hē lahi, ka kō tōfia ai la koe ke pule i nā mea e lahi. Ulu mai loa ki loto nei, ta fiafia fakatahi ai!’

Mataio 25:40

Ma ka tali vē atu te Tupu ki ei, ‘E takutino atu e au ki a te koutou: ho he taimi lava na koutou faia ai te mea tēnei ki hētahi o ki lātou nei oku uho e pito hili te fakaalofa, na koutou faia te mea tēnā ki a te au!’

Mataio 25:41

“Oi ka lea vē atu ai ki nā tino i tona itū tauagavale, ‘Olo kehe ma au, koutou nā tino kua fakamālaiagia e te Atua. Olo ki te afi e hē mate kua uma te hāunia mo Hātani ma ana agelu!

Mataio 27:37

I luga ake o tona ulu kua ki lātou tūhia ai te mea na mōlia ai e vēnei, “Ko Iehu tēnei, te Tupu o Tagata Iutaia.”

Mataio 3:2

Kua lea vē atu, “Liliu kehe mai autou agahala, auā ko te Mālō o te lagi kua tafapili mai!”

Mataio 5:19

Ko te mea ia, ko ai lava e hē uhitaki, e tuha lava pe ko te fakatonuga ia e pito hili ona taigole tona tāua, ma akoako e ia iētahi tino ke fakatakitaki ake ki a te ia, ka kavea ia ma tino e hili atu te hē tāua i te Mālō o te lagi. Kae ko ai lava e uhitaki ma akoako e ia iētahi tino ke fakatakitaki ake ki a te ia, ka kavea ia ma tino e tāua lahi i te Mālō o te lagi.

Maleko 10:17

Kua toe fakaauau te malaga a Iehu, kae vili mai he tamāloa oi tōtuli i mua o ia kae fehili vē atu ki ei, “Te Faiakoga lelei, he ā nei te tatau ke kō faia kae ke maua ai e au te ola e fakavavau?”

Maleko 10:40

Kae e hē ia te au te pule e filifili ai pe ko ai te ka nofo i toku itū taumatau ma toku itū tauagavale. Ko te Atua lava ia te ka ia fōkia nā nofoaga iēnei mo ki lātou kua ia filifilia ke nonofo ai.”

Luka 11:28

Ka kua tali atu ia Iehu, “Io, kae amutia la nā tino e fakalogo ki te kupu a te Atua, ma uhitaki ki ei!”

Luka 11:50

Ko te mea ia ka fakahala ai nā tino o nā aho nei, ona ko te ola o nā pelofeta uma lele na tāmate, talu te kāmataga o te lalolagi,

Luka 12:32

“Koutou nahe mātataku, taku lafu māmoe tokaititi, auā ko te koutou Tamana, e fiafia ke fōki atu ki a te koutou te Mālō.

Luka 19:38

“Ke fakamanuia e te Atua te tupu e hau i te igoa o te Aliki! Ke i ei te fīlēmū i te lagi ma ke vīkia te Atua!”

Ioane 1:49

“Te Faiakoga,” kua tali atu ia Natanielu, “ko koe ko te Ataliki o te Atua! Ko koe ko te Tupu o Ihalaelu!”

Ioane 12:13

Oi kave ai e ki lātou nā launiu ma oatu kua fakafetaui ki a te ia, ma taufai kālalaga vē, “Ke vīkia te Atua! Ke fakamanuia e te Atua ki tē e hau i te igoa o te Aliki! Ke fakamanuia e te Atua te Tupu o Ihalaelu!”

Ioane 17:24

“Te Tamana, kua kē tuku maia ki lātou ki a te au, ma ko au e fofou ke fakatahi ki lātou ma au i te mea e i ei ai au, kae ke ki lātou kiteagia toku mamalu, te mamalu na kē tuku maia ona ko koe e alofa mai ki a te au, ka ko hēki faia te lalolagi.

Ioane 19:15

Ka kua taukalalaga mai ki lātou, “Tāmate te tino tēnā! Tāmate te tino tēnā! Fakahātaulo te tino tēnā!” Kua fehili atu ia Pilato, “Ko koutou e fofou ke fakahātaulo e au te koutou tupu?” Kua tali mai nā ohitāulaga hili, “E fokotahi oioti lava to mātou tupu ko Kaihala.”

Gāluega 15:18

E vēnā te vāgana a te Aliki, tē na ia fakailoa te mea tēnei ki tagata, i nā aho kua leva.’ ”

Gāluega 3:26

Ma na filifilia ai la e te Atua tana Kaukauna ko Iehu ma uga muamua atu ki a te koutou, ke fakamanuia ki a te koutou e ala i te takitaki kehega o koutou uma mai outou uiga kino.”

Loma 8:17

Ona ko ki tātou he fānau e a ia, ka maua ai e ki tātou nā fakamanuiaga e tāofi e ia mo ona tagata, ma ka ia te ki tātou foki fakatahi ma Keliho, nā mea e tāofi e te Atua mo ia; auā kāfai e fakatahi ki tātou ma Keliho i ona puapuagā, ka vēnā foki ona fakatahi ki tātou ma ia i tona mamalu.

1 Kolinito 15:50

Ko te uiga o taku lea atu, te kau uho, ko te mea e gaohia i te kanofi ma te toto, e hēai hona inati i loto o te Mālō o te Atua, ma ko te mea e fano e pala, e hē mafai ke hē pala.

1 Kolinito 2:9

Kae vē oi lea mai te tuhituhiga paia, “Ko te mea e hēai lele he tino na kua ia kitea pe lagona, ma e hēki i ei lele he tino na manatu e ono tutupu, ko te mea ia kua hāunia e te Atua mo ki lātou e alolofa ki a te ia.”

1 Kolinito 6:9

E hē koutou iloa ko nā tino āmio kino, e hē mafai ke fai mo ki lātou te Mālō o te Atua? Ia koutou la i na fakahehēa; ko nā tino fai āmio mātagā, pe ifo ki tupua, pe mulilua, pe ko nā tamāloa e nanau ki nā tino o iētahi tamāloa,

Kalatia 5:21

ko te mata pipiko, ko te konā ma te fai pātī ma iētahi mea vēnei. Ko au e lapataki atu i te taimi nei e vē foki ona lapataki atu au muamua: ko nā tino e ki lātou faia nā mea iēnei ka hē faia mo ki lātou te Mālō o te Atua.

Efeho 5:5

Ke mautinoa e koutou iloa te mea tēnei; e hēai he tino e faia ni uiga tuinanau ki te tino, pe ni uiga mātagā pe manako lahi (auā ko te manako lahi e tuha lava kua ifo ki tupua), e maua hona vāega o te tofi i te Mālō o Keliho vēnā ma te Atua.

1 Tehalonia 2:12

Nae fakamālohi atu ki mātou ki a te koutou, nae fakamāfanafana atu ma fakamākeke atu ki mātou ko koutou ke ola i te itūkāigā ōlaga e fiafia ki ei te Atua, tē e kalaga mai ke kavea koutou ma vāega o tona Mālō ma tona mamalu.

2 Timoteo 2:12

Kāfai e tūmau pea to tātou onohai, ka pule fakatahi foki ki tātou ma ia. Kāfai e fakafiti ki tātou ia te ia, ka fakafiti foki ia ia te ki tātou.

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

Epelu 1:14

Ko nā agelu la ni a? Ni agaga e tautua ki te Atua ma e uga atu e ia ke fehoahoani ki nā tino ka fakaolagia.

Epelu 11:16

Kae ko te nuku e mokomoko ki ei ko he nuku i te lagi e hili atu te lelei. Ma ko te Atua e hē mā ke takua ia e ki lātou ko to lātou Atua, auā kua uma te ia hāunia o he kakai mo ki lātou.

Epelu 4:3

Ko ki tātou la nā tino kua talitonu, ka maua e ki tātou te malōlōga kua folafola e te Atua. E vē lava oi vāgana ai ia: “Ko au na ita ma fai ai taku tautōga e vēnei: ‘Ka hē pa lele ki lātou ki te nuku na mea e tuku atu ai e au ki a te ki lātou, he malōlōga.’ ” Na lea vēnei e ui lava ko tana gāluega na uma lava i te taimi na ia gaohia ai te lalolagi.

Epelu 9:26

auā ka na he mea na fai e ia te mea tēnei, e vēnei ake e lahi lele nā taimi na puapuagā ai ia talu te foafoaga o te lalolagi. Kae i te taimi nei kua tafapili ai ia mea uma ki te ikuga, kua hau mo te taimi lava tēnei e fokotahi, ke ia kave kehea ia agahala a tagata e ala i te ofo atu o ia lava ma tāulaga.

Iakopo 2:5

Fakalogo mai koutou te kau uho pele! Na filifilia e te Atua nā tino mātitiva o tēnei lalolagi ke mau koloa i te fakatuatua, ma ke fai mo ki lātou te Mālō o te Atua, tēia kua folafola e ia mo ki lātou e alolofa ki a te ia.

1 Petelu 1:9

auā e maua e koutou te fakaolataga mo outou agaga, ma ko te mea foki lava tēnei na ala ai oi fakatuatua koutou ki a te ia.

1 Petelu 3:9

Nahe tauia te kino i te kino pe ko te fetū e te fetū; kae ke taui atu i te gogō o koutou ki te Atua ke fakamanuia ki lātou, auā ko nā gāluega vēnei na kalagagia ai koutou, ma ko te auala foki lava tēnei ka maua ai e koutou nā fakamanuiaga mai te Atua.

Fakaaliga 13:8

Ko tagata uma i te lalolagi ka ifo atu ki a te ia, vaganā ai ki lātou na tūhia o lātou igoa ki te tuhi o te ola, ka ko hēki faia te lalolagi. Ko te tuhi o te ola e a te Punuamāmoe, tē na tāmate.

Fakaaliga 17:8

Ko te manu fekai na kitea e koe, nae ola muamua kae nei kua hē toe ola; ma kua hāuni ka fanake ki luga mai te lua e hēai he gataga o tona loloto, ma fano ki te mea ka fakaumatia ai. Ko nā tino e nonofo i te lalolagi ko hēki tūhiagia o lātou igoa ki te tuhi o tagata ola ka ko hēki gaohia ai te lalolagi, ka ofo lahi lele kāfai e kikila ki te manu fekai. Nae ola muamua kae nei kua hē toe ola, kae e toe hula mai.

Fakaaliga 19:16

E tūhia i luga o te vāega o tona kofu tatao i luga o tona ālaga te igoa iēnei, “Ko te Tupu o tupu ma te Aliki o aliki.”

Fakaaliga 21:7

Ko nā tino e maua e ki lātou te manumālō, ka maua e ki lātou te mea tēnei mai ia te au, ma ka fai au ma o lātou Atua, ma fai ki lātou ma aku fānau.

Fakaaliga 5:10

Kua fakatū e koe ki lātou ma mālō o ohitāulaga, ke kaukauna ki to tātou Atua, ma ka pule ki lātou i te lalolagi.”