Mataio 25:24 - Tokelauan New Testament

²⁴ “Oi hau ai te kaukauna na tuku ki ei te tāleni e fokotahi ma lea vē atu ki tona matai, ‘Toku matai, na iloa e au ko koe he tino faigatā; e tau e koe ia fua o nā lākau fatoaga i te mea e hēki totōa e koe ki ei ni fatu lākau, ma helehele e koe te mea e hēki lūlūa e koe.

Mataio 25:24 ပူးပေါင်းရင်းမြစ်များ

Mataio 18:24

Fātoā kāmata atu tana hiakiga kae kaumai ki a te ia te kaukauna e nofo kaitālafu i te hefulu afe tāleni.

Mataio 20:12

Kua lea vē ki lātou, ‘Ko nā tino na gālulue mulimuli e fokotahi oioti te itūlā na gālulue ai, ka ko ki mātou iēnei na gālulue i te aho kātoa i te vevela o te la — ka kua fakatutuha e koe o lātou totogi ma ki mātou!’

Mataio 25:25

Ko au na mataku, oi fano ai au oi mumuni tau tupe i lalo o te kelekele. Kikila, ko te tupe la tēnei a koe.’

Mataio 25:26

“Kua lea atu tona matai ki ei, ‘Ko koe he kaukauna kino ma te paiē. Oi e kē iloa ni e kō taua nā fua o nā lākau fatoaga i te mea e hēki kō totōa ai ni fatu lākau, ma kō helehelea te mea e hēki kō lūlūagia?

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Luka 15:29

Kae kua tali vē atu ki tona tamana, ‘Kikila ki nā tauhaga e lahi nae galue ai au mo koe e vē he pologa, ma e hēki i ei lele hau fakatonuga e fokotahi e hēki uhitaki au ki ei. Kae he ā nei ta aku na kua kē fōki maia? E hēai he mea. Kae ke fōki mai foki la he oti ke fai ai haku kaiga ma aku uō!

Luka 19:13

Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Luka 6:46

“He ā te lea mai ai koutou ki a te au, ‘Te Aliki, Te Aliki,’ kae e hē koutou faia nā mea e lea atu ai au?

Loma 8:7

Auā ko te māfaufau e pūlea e te natula fakatetagata, e teteke ki te Atua. E hē mafai ke uhitaki ki te tūlāfono a te Atua, e matuā hē mafai lava.

Loma 9:20

Kae ko ai nei koe, he tagata, ke toe tali ai koe ki te Atua? E hē mafai e te ulo ōmea ke lea vē atu ki te tino na ia gaohia ia, “He ā te na gaohi vē ai au e koe?”