Mataio 25:16 - Tokelauan New Testament

¹⁶ Ko te kaukauna na tuku ki ei nā tāleni e lima, kua fano fakavave oi fakagalue te tupe ma toe maua mai ai iētahi tāleni e lima.

Mataio 25:16 ပူးပေါင်းရင်းမြစ်များ

Mataio 18:24

Fātoā kāmata atu tana hiakiga kae kaumai ki a te ia te kaukauna e nofo kaitālafu i te hefulu afe tāleni.

Mataio 25:17

Na vēnā foki te mea na fai e te kaukauna na tuku ki ei nā tāleni e lua, ma na toe maua mai ai iētahi tāleni e lua.

Luka 19:13

Ka ko hēki fano kehe, na fekau e ia ana kaukauna e toka hefulu, ma fōki ki a te ki lātou tau tokatahi he tupe aulo, ma lea vē atu ki ei, ‘Fakaaogā te tupe tēnei ke toe maua mai ai ni iētahi tupe, ke toe pa mai au.’

Gāluega 13:36

Auā na fakataunuku e Tavita nā fuafuaga a te Atua ka koi ola ai. Kae i te otiga, na tanu fakatahi ma ona tupuna, ma na pala tona tino.

1 Kolinito 15:10

Kae ko te alofa tūnoa o te Atua kua kavea ai au ke vēnei, ma ko tona alofa tūnoa ki a te au e hēki māumau. Kua hili atu toku galue mālohi i lo hētahi o te kau apohitolo, e ui lava e hē ona ko he mea na kō faia, kae ko te alofa tūnoa o te Atua e galue ma au.

2 Timoteo 2:6

Ko te faifatoaga na galue mālohi te tatau ke maua muamua tona vāega o te helehelega.