Mataio 25:10 - Tokelauan New Testament

¹⁰ Oi olo ai nā tautiti vālelea oi fakatau mai a lātou huāū; ma i te taimi tēnā na olo ai, kae taunuku mai loa te tama fakaipoipo. Ko nā tautiti e toka lima nae nofo hāuni, kua olo ma ia ki loto ki te kaiga o te fakaipoipoga ma na tapuni ai loa te faitotoka.

Mataio 25:10 ပူးပေါင်းရင်းမြစ်များ

Mataio 24:42

“Koutou la ke mataala, auā e hē koutou iloa pe ko he ā te aho ka hau ai te koutou Aliki.

Mataio 24:43

Ka na he mea na iloa e te tino e o ia te fale te taimi e hau ai te tino kaihohoa, e mautinoa lelei lava e hēki moe lele, ma hē ia tukua he avanoa ke kaihohoa ai tona fale.

Mataio 24:44

Ko te mea ia, ko koutou foki e tatau ke nonofo hāuni; auā ko te Ataliki o te Tagata e hau i he taimi e hē manatu koutou e hau ai.

Mataio 25:6

“Kua ta te vaeluaga o te pō kae hau loa te kalaga, ‘Tēnei kua pa mai te tama fakaipoipo. Ōmamai oi feiloaki ki ei!’

Mataio 7:21

“E hē ko te tino e lea mai ki a te au, ‘Te Aliki, Te Aliki’ te hao ki te Mālō o te lagi, kae ko te tino e ia faia te finagalo o toku Tamana i te lagi.

Luka 12:35

“Koutou ke nonofo hāuni mo ho he mea e ono tutupu; hulu nā fuhipaku ki outou taugātiti ma fakamumū autou mōlī,

Luka 13:25

E pa loa ki te taimi e tū ai ki luga te tino e o ia te fale oi tapuni te faitotoka, ko koutou ka kāmata oi tutū i fafo ma tukituki te faitotoka ma lea vē, ‘Te aliki, tatala mai ko te faitotoka ki a te ki mātou!’ oi ka tali vē atu ki a te koutou, ‘E hē kō iloa koutou pe ōmamai i fea!’

2 Timoteo 4:8

Nei kua fakatalitali mai ki a te au te pale o te manumālō, ko te fakaleleia tēnā o toku va ma te Atua, tēia ka tuku mai ki a te au i te Aho tēnā e te Aliki, te Fakamahino fakamāoni. Kae e hē nā ko au oioti te ka ia tuku mai ki ei, kae ka tuku atu foki e ia mo ki lātou uma e amanaki fiafia ki tona haele mai.

1 Petelu 1:13

Ko te mea la ia, ke lava hāuni outou māfaufau mo nā mea ka tutupu; mataala ma tukutahi te koutou fakamoemoe ki te fakamanuiaga ka maua e koutou, kāfai ia Iehu Keliho e haele mai.

Fakaaliga 1:7

Kikila, e haele mai ia i luga o nā ao! Ka kitea ia e tagata uma, ma kitea foki ia e ki lātou na veloa ia i te tao. Ka faitatagi leo lahi ia tagata uma i te lalolagi mo ia. Ma ka vēnā lava ona taunuku! Amene.

Fakaaliga 19:7

Tātou fiafia la ma olioli; tātou viviki atu ki tona hilihilikehe. Auā kua pa ki te taimi o te fakaipoipoga a te Punuamāmoe, ma kua uma te hāuniuni atu o te teine fakaipoipo mo ia.

Fakaaliga 22:20

Ko tē kua fai ma molimau ki nā mea uma iēnei e lea vē, “E moni lava! Ko au kua tāli fanatu!” Ke vēnā lava ona fai. Te Aliki ko Iehu, keina hau loa ko!